IND vs SA : સાઈ સુદર્શને ડેબ્યૂ મેચમાં પોતાના નામે કર્યો અનોખો રેકોર્ડ, આવુ કરનારો પહેલો ઓપનર બન્યો

ભારત અને સાઉથ આફ્રિકા વચ્ચે રમાઈ રહેલી વન ડે સિરીઝના પહેલા મુકાબલમાં ભારતે શાનદાર જીત સાથે સિરીઝની શરૂઆત કરી છે. આ મેચમાં સાઈ સુદર્શનના નામે અનોખો રેકોર્ડ નોંધાયો છે.

સાઈ સુદર્શને જોહાનિસબર્ગમાં દક્ષિણ આફ્રિકા સામે વન ડે ડેબ્યૂ મેચમાં શાનદાર પ્રદર્શન કરતા અડધી સદી ફટકારી હતી.

સાઈ સુદર્શન આ અડધી સદી સાતે આંતરરાષ્ટ્રીય ક્રિકેટમાં વન ડે ડેબ્યૂમાં પચાસથી વધુ રન બનાવનારો ચોથો ખેલાડી બન્યો છે. સુદર્શને માત્ર 41 બોલમાં પોતાની અડધી સદી પૂરી કરી અને ભારતને 8 વિકેટે જીત અપાવી દીધી.

કેપ્ટન કેએલ રાહુલે તેને કેપ આપી ત્યારે સાઈ ભારતીય જર્સી પહેરનાર 400મો ખેલાડી બન્યો. આ મેચમાં દક્ષિણ આફ્રિકા 27.3 ઓવરમાં માત્ર 116 રનમાં ઓલઆઉટ થઈ ગયા બાદ તે બેટિંગ માટે ઉતર્યો હતો. અર્શદીપ સિંહ અને આવેશ ખાને આફ્રિકાની બેટિંગ લાઇનઅપ તોડી નાખી હતી.

ટાર્ગેટનો પીછો કરતા સાઈ સુદર્શન રૂતુરાજ ગાયકવાડ સાથે ઓપનિંગ માટે આવ્યો હતો. સાઈએ તેની ઈનિંગ્સની શરૂઆત શાનદાર કવર ડ્રાઈવથી કરી. રુતુરાજના આઉટ થયા પછી સાઈએ એ સુનિશ્ચિત કરવાની જવાબદારી લીધી કે ભારતને રન ચેઝમાં કોઈ આંચકો ન લાગે

વન ડે ડેબ્યૂમાં 50 થી વધુ રન બનાવનારા ભારતીય ઓપનર
રોબિન ઉથપ્પા - 2006માં ઈંગ્લેન્ડ સામે 86 રન
કેએલ રાહુલ - 2016માં ઝિમ્બાબ્વે સામે 100* રન
ફૈઝ ફઝલ - 2016માં ઝિમ્બાબ્વે સામે 55*
સાઈ સુદર્શન - 2023માં દક્ષિણ આફ્રિકા સામે 55* રન

સાઈએ માત્ર 41 બોલમાં પોતાની અડધી સદી પૂરી કરી અને ડેબ્યૂ મેચમાં 50 પ્લસનો સ્કોર કરનાર 17મો ભારતીય બેટ્સમેન બન્યો. તે વન ડે ડેબ્યૂમાં અડધી સદી ફટકારનાર ચોથો ભારતીય ઓપનર પણ બન્યો છે. તેણે શ્રેયસ અય્યર સાથે 88 રનની ભાગીદારી કરી.

English summary

IND vs SA: Sai Sudarshan made a unique record in his debut match