''પ્રેમની પિચ પર ક્લીન બોલ્ડ થયો ઉમેશ યાદવ''

By Kumar Dushyant

Updated: Tuesday, April 16, 2013, 14:10 [IST]

નવી દિલ્હી, 16 એપ્રિલ: ભારતીય ક્રિકેટ ટીમના ફાસ્ટ બોલર અને આઇપીએલમાં દિલ્હી ડેયરડેવિલ તરફથી રમનાર ઉમેશ યાદવ પ્રેમની પીચ પર ક્લીન બોલ્ડ થઇ ગયો છે, તેને સોમવારે દિલ્હીની ફેશન ડિઝાઇનર તાનિયા વાધવા સાથે એક સાદા સમારોહમાં નાગપુરમાં સગાઇ કરી લીધી.

સગાઇ બાદ ઉમેશ યાદવે જણાવ્યું હતું કે તેની અને તાન્યાની મુલાકાત દિલ્હીમાં થઇ હતી. જો કે પહેલાં અમે મિત્ર હતા પરંતુ ધીમે-ધીમે અમારી મિત્રતા પ્રેમમાં ફેરવાઇ ગઇ. ત્યારબાદ મે તેને પ્રપોઝ કર્યો અને તાન્યાએ મને હા કહ્યું.

ઉમેશ યાદવે કહ્યું હતું કે અમે એકબીજાને સમજવા માટે એક વર્ષનો સમય લીધો છે ત્યારબાદ અમે બંનેએ સગાઇ કરી લીધી હતી અને આઇપીએલ બાદ તે બંને 29 મે રોજ લગ્નના બંધનમાં જોડાઇ જશે.

બીજી તરફ આ તરફ આ અવસરે દિલ્હીની રહેવાસી ફેશન ડિઝાઇનર તાન્યાએ કહ્યું હતું કે આ પહેલી નજરનો પ્રેમ નથી. મારી નજરમાં તે સારો માણસ છે. હું તેમના કેરિયર પર સલાહ આપતી રહું છું.