ટીમ ઇન્ડિયા નંબર વન, કાંગારુઓને નડ્યું ઝિમ્બાવ્વે

Published: Monday, September 1, 2014, 18:15 [IST]

દુબઇ, 1 સપ્ટેમ્બરઃ ઇંગ્લેન્ડમાં શાનદાર પ્રદર્શન અને ગઇ કાલે ઝિમ્બાવ્વેએ ઓસ્ટ્રેલિયાને આપેલા ઐતિહાસિક પરાજય બાદ ભારત સોમવારે જારી કરવામાં આવેલી આઇસીસીની નવી વનડે રેન્કિંગમાં વિશ્વની નંબર વન ટીમ બની ગયું છે.

આઇસીસીએ એક નિવેદનમાં કહ્યું છેકે રવિવારે હરારેમા ત્રિકોણિય શ્રેણીની મેચમાં ઝિમ્બાવ્વે સામે ઓસ્ટ્રેલિયાને ત્રણ વિકેટથી પરાજય બાદ રિલાયન્સ આઇસીસી વનડે ટીમ રેન્કિંગમાં વિશ્વ ચેમ્પિયન ભારત નંબર વન બન્યું હોવાની પૃષ્ટિ કરવામાં આવે છે.

ઇંગ્લેન્ડ વિરુદ્ધ નોટિંગહામમાં ત્રીજી વનડે જીત્યા બાદ ભારત 114 અંકથી ઓસ્ટ્રેલિયા સાથે સંયુક્ત રીતે નંબર વન થઇ ગયું હતું, પરંતુ ઝિમ્બાવ્વેએ 31 વર્ષ કરતા વધુ સમય બાદ ઓસ્ટ્રેલિયા પર પોતાનો બીજો વિજય નોંધાવતાની સાથે ટીમ ઇન્ડિયા એકલું નંબર વન પર પહોંચી ગયું છે. આ હારથી ઓસ્ટ્રેલિયાને ત્રણ રેટિંગનું નુક્સાન થયું છે અન તે દક્ષિણ આફ્રિકા અને શ્રીલંકા પછી ચોથા ક્રમે પહોંચી ગયું છે. ઓસ્ટ્રેલિયાના 111 અંક છે.