IPL 2021 : હર્ષલ પટેલના ખાતામાં સૌથી વધુ વિકેટ, આ છે IPL ના ટોપ 5 બોલર!
ચેન્નઈ સુપર કિંગ્સે કોલકાતા નાઈટ રાઈડર્સને હરાવીને ઈન્ડિયન પ્રીમિયર લીગ (IPL) 2021 નો ખિતાબ જીત્યો છે. ચેન્નઈ ચોથી વખત ચેમ્પિયન બની છે. આ સાથે એ પણ સ્પષ્ટ થઈ ગયું છે કે કયા ખેલાડીએ કેવું પ્રદર્શન કર્યું.
નવી દિલ્હી : ચેન્નઈ સુપર કિંગ્સે કોલકાતા નાઈટ રાઈડર્સને હરાવીને ઈન્ડિયન પ્રીમિયર લીગ (IPL) 2021 નો ખિતાબ જીત્યો છે. ચેન્નઈ ચોથી વખત ચેમ્પિયન બની છે. આ સાથે એ પણ સ્પષ્ટ થઈ ગયું છે કે કયા ખેલાડીએ કેવું પ્રદર્શન કર્યું. અનકેપ્ડ રોયલ ચેલેન્જર્સ બેંગ્લોરના ઝડપી બોલર હર્ષલ પટેલે આ સિઝનમાં 32 વિકેટ લીધી અને IPL 2021 માં પર્પલ કેપ મેળવી સૌથી વધુ વિકેટ લેનાર ખેલાડી બન્યો. 2012 માં IPL માં પદાર્પણ કરનાર હર્ષલે 15 મેચોમાં 32 વિકેટ લીધી હતી, જે ડ્વેન બ્રાવો સાથે ઇન્ડિયન પ્રીમિયર લીગની સિઝનમાં સંયુક્ત રીતે સૌથી વધુ વિકેટ છે.
આઈપીએલના યુએઈ લેગમાં તેની 15 વિકેટ છે, જેમાં મુંબઈ ઈન્ડિયન્સ સામે હેટ્રિકનો સમાવેશ થાય છે. બીજા તબક્કામાં હર્ષલનો ઇકોનોમી રેટ 7.12 હતો, જ્યારે ભારતની મેચમાં તેને 9.17 ના ઇકોનોમી રેટથી રન આપ્યા હતા. હર્ષલ RCB કેપ્ટન વિરાટ કોહલી દ્વારા તેના પર મુકેલા વિશ્વાસ પર ખરો ઉતરવામાં સફળ રહ્યો છે. હર્ષલનું શ્રેષ્ઠ પ્રદર્શન 27 રનમાં 5 વિકેટ હતું.
આઈપીએલ 2021 માં 24 વિકેટ સાથે દિલ્હી કેપિટલ્સનો ઝડપી બોલર આવેશ ખાન બીજા ક્રમે સૌથી વધુ વિકેટ લેનાર બોલર હતો. આવેશ પહેલા ભૂતકાળમાં પણ નેટ બોલર રહ્યો છે અને 24 વર્ષની ઉંમરે તેના સારા ભવિષ્યની આશા રાખી શકાય એમ છે. મુંબઈ ઇન્ડિયન્સનો ઝડપી બોલર જસપ્રિત બુમરાહ ત્રીજા નંબરે છે, જેણે 14 મેચમાં 21 વિકેટ લીધી છે. બુમરાહે 7.45 ના ઇકોનોમી રેટથી રન આપ્યા છે. તેનું શ્રેષ્ઠ પ્રદર્શન 36 રનમાં 3 વિકેટ હતું.
ચોથો બોલર ચેન્નઈ સુપર કિંગ્સનો શાર્દુલ ઠાકુર હતો, જેણે 16 મેચમાં 21 વિકેટ લીધી હતી. શાર્દુલે 8.80 ના ઈકોનોમી રેટથી રન આપ્યા હતા. તેનું શ્રેષ્ઠ પ્રદર્શન 28 રનમાં 3 વિકેટ હતું. પાંચમો બોલર પંજાબ કિંગ્સનો મોહમ્મદ શમી છે. શમીએ 14 મેચમાં 19 વિકેટ લીધી હતી. તેણે 7.50 ની ઈકોનોમી રેટથી રન આપ્યા હતા. તેનું શ્રેષ્ઠ પ્રદર્શન 21 રનમાં 3 વિકેટ હતું.
ઉલ્લેખનિય છે કે, આઈપીએલ 2021 ની ટ્રોફી ચેન્નઈએ કોલકત્તાને હરાવીને કબ્જે કરી હતી. હવે આઈપીએલ બાદ ટી20 વર્લ્ડ કપની તૈયારીઓ શરૂ થઈ ગઈ છે. ભારત પાકિસ્તાન સામે પોતાના અભિયાનની શરૂઆત કરશે.
Click it and Unblock the Notifications
Sign in with Google
