IPL 2024 Auction : ઓક્શનમાં આ ખેલાડીનું નામ આવતા જ આરસીબીએ હાથ જોડ્યા, જાણો કોણ છે ખેલાડી?

આઈપીએલ મીની ઓક્શનમાં કેટલાક ખેલાડીઓ પર કરોડો રૂપિયાનો વરસાદ થયો છે તો ઘણા ખેલાડીઓ અનસોલ્ડ રહ્યા છે. આ લિસ્ટમાં જોશ હેઝલવુડનું નામ પણ સામેલ છે.

ઓક્શન દરમિયાન ઓસ્ટ્રેલિયન ફાસ્ટ બોલર જોશ હેઝલવુડનું નામ આવતા જ રોયલ ચેલેન્જર્સ બેંગ્લોરે એવી પ્રતિક્રિયા આપી કે હવે સોશિયલ મીડિયા પર વાયરલ થઈ રહી છે.

ઓક્શન દરમિયાન ફાસ્ટ બોલર જોશ હેઝલવુડનું નામ આવ્યું ત્યારે આરસીબીને તેની ખરીદી માટે પૂછવામાં આવ્યું તો આરસીબીએ હેઝલવુડનું નામ સાંભળતાં જ હાથ જોડી લીધા. જણાવી દઈએ કે, તેને આ વર્ષે આરસીબીએ રિલીઝ કર્યો છે.

જોશ હેઝલવુડ આઈપીએલ 2024 ઓક્શનમાં અનસોલ્ડ રહ્યો છે. 27 આઈપીએલ મેચોમાં 35 વિકેટનો પ્રભાવશાળી ટ્રેક રેકોર્ડ હોવા છત્તા જોશ હેઝલવુડ તેના બાળકના જન્મ માટે માર્ચ અને એપ્રિલ દરમિયાન ઓસ્ટ્રેલિયામાં રહેશે.

તેણે પુષ્ટિ કરી છે કે ફક્ત મે મહિનામાં જ ઉપલબ્ધ રહેશે. આ જ કારણ છે કે તમામ ટીમો તેમાં ઓછો રસ લઈ રહી છે. જણાવી દઈએ કે, ઇજાને કારણે તે આઈપીએલ 2023 માં ફક્ત ત્રણ મેચ જ રમ્યો હતો.

RCB reaction when asked about Josh Hazlewood. pic.twitter.com/Iomybm6I4N

— Mufaddal Vohra (@mufaddal_vohra) December 19, 2023

અહીં તમને એ પણ જણાવી દઈએ કે, પેટ કમિન્સે ઇન્ડિયન પ્રીમિયર લીગના ઇતિહાસમાં થોડા સમય માટે સૌથી મોંઘા ખેલાડી બનવાનો રેકોર્ડ બનાવ્યો. સનરાઇઝર્સ હૈદરાબાદે તેને 20.5 કરોડની ભારે કિંમત ચૂકવી હતી.

જો કે આ રેકોર્ડ થોડા સમય માટે તેના નામે રહ્યો અને મિશેલ સ્ટાર્કે 24.75 કરોડ મેળવીને સૌથી મોંઘો ખેલાડી બની ગયો. તેને કોલકત્તાએ આટલા મોટા રૂપિયા આપીને ટીમમાં સામેલ કર્યો.

English summary

IPL 2024 Auction: RCB joined hands as soon as this player's name came, know who is the player?