IPL Auction 2023 : આ વખતે ઓક્શનમાં આ સિનિયર ખેલાડીઓ પર ટીમોની નજર રહેશે
આઈપીએલ મીની ઓક્શન 23 ડિસેમ્બર એટલે કે આવતીકાલે યોજાશે. અહીં ઘણા ખેલાડીઓ માટે ટીમ બોલી લગાવશે.
આઈપીએલ 2023 માટેની તૈયારીઓ શરૂ થઈ ગઈ છે અને તેના માટે ઓક્શન પણ યોજાવા જઈ રહ્યું છે. આઈપીએલ મીની ઓક્શન 23 ડિસેમ્બર એટલે કે આવતીકાલે યોજાશે ત્યારે કેટલાક ખેલાડીઓ વિશે ચર્ચા થઈ રહી છે. આ વખતે 5 સિનિયર ખેલાડીઓ પર પણ તમામ ટીમની નજર રહેશે. આ ખેલાડીઓ એકલા હાથે મેચ બદલી નાંખવા સક્ષમ છે.
મોહમ્મદ નબી
37 વર્ષીય મોહમ્મદ નબી પણ એક શાનદાર બેટ્સમેન છે. સનરાઈઝર્સ હૈદરાબાદ માટે રમી ચુકેલો નબી ગયા વર્ષે કોલકત્તા નાઈટ રાઈડર સાથે હતો. અહીં તેને એક પણ મેચ રમવાનો મોકો મળ્યો ન હતો.
સિકંદર રજા
સિકંદર રજા તેના ઓલરાઉન્ડ પ્રદર્શન માટે જાણીતો છે અને હાલ જોરદાર ફોર્મમાં છે. હાલમાં જ પુરા થયેલા ટી20 વર્લ્ડકપમાં પણ તેનું પ્રદર્શન જોવા મળ્યુ હતું. તમામ ટીમો સિંકદર રજાને પોતાની ટીમમાં સામેલ કરવા બોલી લગાવી શકે છે.
અમિત મિશ્રા
40 વર્ષિય અમિત મિશ્રા આઈપીએલના સફળ બોલરોમાં સામેલ છે. તે આઈપીએલમાં ત્રણ વખત હેટ્રીક લેનારો પહેલો ખેલાડી છે. તેના પર તમામ ટીમોની નજર રહેશે. તેને અત્યાર સુધીની આઈપીએલની 154 મેચમાં 166 વિકેટ લીધી છે.
ડેવિડ વીજે
ડેવિડ વીજે પણ 37 વર્ષનો છે અને આ વખતે ઓક્શન માટે નામ મુક્યુ છે. આ પહેલા તે RCB તરફથી રમી ચુક્યો છે. હવે તેના પર પણ ટીમોની નજર હશે.
કેદાર જાધવ
કેદાર જાધવ 37 વર્ષનો છે અને એક મિડલ ઓર્ડરમાં વિસ્ફોટક બેટિંગમાં માહેર છે. તે આઈપીએલમાં સનરાઈઝર્સ હૈદરાબાદ અને ચેન્નાઈ સુપર કિંગ્સ તરફથી રમી ચૂક્યો છે. તેણે IPLની 93 મેચમાં 1196 રન બનાવ્યા છે.
Click it and Unblock the Notifications
Sign in with Google
