IPL-6: કિંગ્સ ઇલેવને ડેરડેવિલ્સને 5 વિકેટે આપી માત

Published: Wednesday, April 24, 2013, 11:34 [IST]

નવી દિલ્હી, 24 એપ્રિલ: કિંગ્સ ઇલેવન પંજાબના ખેલાડીયોએ મંગળવારે ફિરોજશાહ કોટલા મેદાનમાં રમાયેલી ઇન્ડિયન પ્રિમિયર લીગ સિઝન છની 32મી મેચ અને પોતાની સાતમી મેચમાં દિલ્હી ડેરડેવિલ્સને પાંચ વિકેટથી હરાવી દીધું. આ જીતે કિંગ્સ ઇલેવનને નવ ટીમની હરોળમાં પાંચમાં સ્થાને મૂકી દીધી છે. પંજાબના હરમીતસિંહ મેન ઓફ ધ મેચ બન્યો.

ડેરડેવિલ્સ દ્વારા આપવામાં આવેલા 121 રનોના લક્ષ્યનો પીછો કરતા કિંગ્સ ઇલેવને 17 ઓવરમાં પાંચ વિકેટ ગુમાવીને જીત મેળવી લીધી. ડેવિડ મિલરે સૌથી વધું 34 રન બનાવ્યા જ્યારે મંદીપ સિંહે 24 રનોનું યોગદાન આપ્યું.

સાત મેચોમાં આ કિગ્સ ઇલેવનની ચોથી જીત છે જ્યારે ડેરડેવિલ્સને આઠ મેચોમાં સાતમી હારનો સામનો કરવો પડ્યો છે. ડેરડેવિલ્સે પોતાની છેલ્લી મેચમાં મુંબઇ ઇન્ડિયન્સને હરાવ્યું હતું પરંતુ ત્યારબાદ ફરી આ ટીમ હારના પાટા પર આવી ગઇ છે.

ટોસ જીતીને કિંગ્સ ઇલેવન પંજાબે પ્રથમ ફિલ્ડિંગ કરવાનો નિર્ણય કર્યો હતો. પહેલા બેટિંગ કરી દિલ્હીની ટીમે 120 રન બનાવ્યા હતા. જેમાં ડેવિડ વોર્નરે સર્વાધિક 40 રન બનાવ્યા હતા. જ્યારે સહેવાગે 23, જુનેજા અને ઇરફાન પઠાણે 14 રનોનું યોગદાન આપ્યું હતું. પંજાબની ટીમે માત્ર 17 ઓવરમાં જ લક્ષ્ય પ્રાપ્ત કરી લીધું હતું. જેમાં મીલર 34, મનદીપ સિંહ 24, ડેવિડ હસ્સીએ અને પોમેર્સ્બચે 18 રનનું યોગદાન આપ્યું હતું.