કોરિયા ઓપન: ચીનને હરાવી પી.વી. સિંધુ પહોંચી ફાઇનલમાં
કોરિયા ઓપન સીરિઝમાં ભારતીય બેડમિન્ટન ખેલાડીએ સેમીફાઇનલમાં જીત મેળવી. હવે ફાઇનલ તેનો મુકાબલો થશે જાપાનની નોઝોમી ઓકુહારા સાથે. આ અંગે વધુ વાંચો અહીં..
ભારતની બેડમિન્ટન ખેલાડી વર્લ્ડ નંબર-4 પી.વી.સિંધુએ ચીનની ખેલાડી ને હરાવીને કોરિયન ઓપન સુપર સીરિઝમાં ફાઇનલમાં પહોંચી ગઈ છે. ઓલિમ્પિકમાં સીલ્વર પદક મેળવનાર સિંધુએ શનિવારના યોજાયેલ સેમીફાઇનલમાં વર્લ્ડ નંબર 7 ,ચીનની હી બિંગઝિઆઓને 21-10, 17-21,21-16થી હાર આપી હતી. હવે પી.વી સિંધુ ફાઇનલમાં પ્રવેશી ચૂકી છે 1:06 મિનિટ ચાલેલી આ મેચની છેલ્લી ગેમમાં સિંધુએ 21-16નો આંક પોતાને નામ કરતા જીત મેળવી હતી. આ બંને ખેલાડીઓ વચ્ચે આ પહેલા થયેલા આઠ મુકાબલાઓમાં 5 વખત બિંગઝિઆઓએ જીત મેળવી હતી ,તો પી.વી.સિંધુએ 3 મેચ જીતી હતી. આ જીત બાદ સિંધુએ તેની ચોથી જીત મેળવી છે. હવે તેનો મુકાબલો જાપાનની નોઝોમી ઓકુહારા સાથે થશે.
નોંધનીય છે કે, આ જ જાપાની ખેલાડીએ થોડા સમય પહેલા યોજાયેલ વર્લ્ડ ચેમ્પિયન શીપના ફાઇનલમાં પી.વી.સિંધુને હાર આપી હતી. આ ઉપરાંત વર્લ્ડ નંબર-9 ઓકુહારાએ વિશે વાત કરવામાં આવે તો તેણે સેમી ફાઇનલમાં 2016ની ચેમ્પિયન વર્લ્ડ નંબર-2 હમવતન અકાને યામાગુચીને હરાવીને ફાઇનલમાં જગ્યા બનાવી છે. જો પી.વી સિંધુ કોરિયા ઓપનને જીતે છે તો તે ભારતની પહેલી એવી ખેલાડી બનશે જેણે કોરિયા ઓપન જીત્યુ હોય. શુક્રવારે યોજાયેલી ગેમમાં સિંધુએ વર્લ્ડ નંબર-19 જાપાનની મિન્ત્સુ મિતાનીને હરાવીને સેમીફાઇનલમાં પહોચી હતી. હવે ફાઇનલમાં પી.વી. સિંધુ નવો ઇતિહાસ રચી શકે છે કે નહી એ જોવાનુ રહ્યું.
Click it and Unblock the Notifications
Sign in with Google
