Paris Olympics 2024 : Lakshya Sen ની સેમિફાઈનલમાં હાર, જીતી શકે છે બ્રોન્ઝ મેડલ
Paris Olympics 2024 : પેરિસ ઓલિમ્પિકમાં આજે ભારતને મોટો ઝટકો લાગ્યો છે. સેમિફાઈનલમાં Lakshya Sen ની હાર થતા ગોલ્ડ મેડલની આશા તુટી છે.
લક્ષ્ય સેન બેડમિન્ટન મેન્સ સિંગલ્સની સેમિફાઈનલમાં હાર્યો છે. તેને ડેનમાર્કના વિક્ટર એક્સેલસેન સામે 22-20, 21-14થી પરાજય મળ્યો. જો કે લક્ષ્યે હજુ પણ બ્રોન્ઝ મેડલની આશા અકબંધ રાખી છે.
ડેનમાર્કના એક્સેલસનની જીતે તેને તેની સતત બીજી ઓલિમ્પિક સિંગલ્સની ફાઇનલમાં સ્થાન નિશ્ચિત કર્યું છે. ફાઈનલમાં તેનો સામનો થાઇલેન્ડના કુનલાવત વિટિદસર્ન સામે થશે. આ ડેનિશ દિગ્ગજ ખેલાડીએ પેરિસમાં હજુ સુધી એકપણ ગેમ હારી નથી.
લક્ષ્ય સેન માટે પ્રવાસ અહીં સમાપ્ત થતો નથી. સોમવારે તે બ્રોન્ઝ મેડલ માટે મલેશિયાની લી ઝી જિયા સામે ટકરાશે. આ તેને મેડલ સાથે પરત ફરવાની તક આપશે.
ભારતના સ્ટાર શટલર લક્ષ્ય સેન આગામી મેચ માટે તેનું 100 ટકા આપવા માટે ઉત્સુક છે. 22 વર્ષીય ખેલાડીને સીધા સેટમાં હારનો સામનો કરવો પડ્યો, એક્સેલસેને 54 મિનિટ સુધી ચાલેલા વિશાળ મુકાબલામાં લક્ષ્ય સેનને 22-20, 14-21થી હરાવ્યો.
લક્ષ્યે મેચ પછી બ્રોડકાસ્ટરને કહ્યું કે, હા, હું હમણાંથી તૈયારી કરીશ અને મને લાગે છે કે કાલે મેચ છે, તો હું કાલે ફરીથી મારા સો ટકા આપવાનો પ્રયત્ન કરીશ અને હા, આ મેચમાંથી મને કેટલીક બાબતો શીખવા મળી છે અને આગામી મેચમાં જે પણ સારું થશે, હું તેને ચાલુ રાખીશ.
Click it and Unblock the Notifications
Sign in with Google
