આઇસીસી રેન્કિંગમાં ચમક્યો સૌરાષ્ટ્રી 'સિતારો'

Published: Wednesday, June 19, 2013, 15:58 [IST]

દુબઇ, 19 જૂનઃ હાલ ઇંગ્લેન્ડ ખાતે ચાલી રહેલી ચેમ્પિયન્સ ટ્રોફીમાં શાનદાર ઓલરાઉન્ડર પ્રદર્શન કરીને ખાસ કરીને બોલિંગ ક્ષેત્ર ટીમ માટે મહત્વની ભૂમિકા ભજવનારા સૌરાષ્ટ્રવાસી 'સર' રવિન્દ્ર જાડેજાએ આઇસીસી વનડે બોલર રેન્કિંગમાં સુધારો કરીને ટોપ ફાઇવમાં સ્થાન મેળવ્યું છે, જ્યારે આ યાદીમાં વેસ્ટ ઇન્ડિઝનો સુનિલ નારાયણ પ્રથમ ક્રમાકે છે.

આઇસીસી દ્વારા મંગળવાર 18 જૂને આ રેકિંગ જાહેર કરવામાં આવ્યા હતા. અન્ય રેન્કિંગની વાત કરવામાં આવે તો ચેમ્પિયન્સ ટ્રોફીની ગ્રુપ મેચમાં પોતાના અજય અભિયનની મદદથી ભારતે આઇસીસી વનડે રેન્કિંગમાં પોતાની મજબૂતી રજૂ કરીને વધુ બે અંક હાસલ કરી લીધા છે.

ભારતે ટૂર્નામેન્ટની શરૂઆત 119 રેટિંગ અંક સાથે કરી હતી અને દક્ષિણ આફ્રિકા, વેસ્ટ ઇન્ડિઝ અને પાકિસ્તાન પર જીત મેળવવાથી તેના રેટિંગ અંક 121 થઇ ગયા છે. ઇંગ્લેન્ડ બે સ્થાનના ફાયદા સાથે બીજા ક્રમાંકે પહોંચી ગયું છે અને ઓસ્ટ્રેલિયા ત્રીજા સ્થાને પહોંચી ગયું છે.

બીજા સ્થાન પર આવેલા ઇંગ્લેન્ડ અને ત્રીજા સ્થાન પર પહોંચી ગયેલા ઓસ્ટ્રેલિયા બન્ને પાસે સમાન 113 રેટિંગ અંક છે. ચોથા સ્થાન પર રહેલા દક્ષિણ આફ્રિકાને એક અંકનું નુક્સાન પહોંચ્યું છે. તેના અંક 112 થઇ ગયા છે અને તે એક સ્થાન નીચે જતું રહ્યું છે.

શ્રીલંકા અને પાકિસ્તાન ક્રમશઃ પાંચમા અને છઠ્ઠા સ્થાને છે. ખેલાડીઓની યાદીમાં ફોર્મમાં ચાલી રહેલા રવિન્દ્ર જાડેજાએ ત્રણ સ્થાનનો ફાયદો મેળવીને ટોપ ફાઇવમાં પોતાની જગા બનાવી લીધી છે. તે બોલરોની યાદીમાં ચોથા સ્થાને પહોંચી ગયો છે. તો ચાલો તસવીરોના માધ્યમથી જાણીએ કે બોલરોની યાદીમાં કોણ કયા ક્રમે છે.