મનોજ તિવારીના સ્થાને રાયડુનો ટી-20 ટીમમાં સમાવેશ

મુંબઇ, 11 ડિસેમ્બર: ઇંગ્લેન્ડની ક્રિકેટ ટીમની સામે રમાનારી બે ટ્વેન્ટી-20 આંતરરાષ્ટ્રીય મેચોની શ્રેણી માટે ધારદાર બેટ્સમેન મનોજ તિવારીના સ્થાને અમ્બાતી રાયડુનો સમાવેશ કરવામાં આવ્યો છે. તિવારી હાલમાં માંસપેશિયોમાં તણાવની સમસ્યાથી પીડાઇ રહ્યા છે. બીસીસીઆઇએ મંગળવારે એક પ્રેસનોટ જારી કરીને આ અંગેની જાણકારી આપી હતી.

27 વર્ષીય તિવારીને અખિલ ભારતીય વરિષ્ઠ પસંદગી સમિતિ દ્વારા પુણે(20 ડિસેમ્બર) અને મુમ્બઇ(22 ડિસેમ્બર)માં રમાનાર મુકાબલા માટે રવિવારે ટીમમાં સામેલ કરવામાં આવ્યા હતા.

બેટ્સમેન રાયડુ પહેલીવાર ભારતીય ટીમમાં સ્થાન મેળવવામાં સફળ થયા છે, રાયડુ વર્તમાનમાં રણજી ટ્રોફીના આ સત્રની છ મેચોમાં વડોદરા માટે ચાર અર્ધસદી ફટકારી અને એક સદી ફટકારી ચૂક્યા છે.

ભારતીય ટીમને ઇંગ્લેન્ડની સાથે રમાઇ રહેલી ચાર ટેસ્ટ મેચની શ્રેણીની ચોથી અને છેલ્લી અંતિમ ટેસ્ટ મેચ 13 ડિસેમ્બરના રોજ રમાશે. ત્યારબાદ ટ્વેન્ટી-20 આંતરરાષ્ટ્રીય મેચોની શ્રેણી રમાશે.

English summary

Ambati Rayudu, the Baroda and Mumbai Indians batsman, has been called up to India's Twenty20 squad for two matches against England as a replacement for the injured Manoj Tiwary.