RCB vs KKR : જેસન રોય અને નીતિશ રાણાની ધમાલ, RCB ને 201નો ટાર્ગેટ

આઈપીએલના વધુ એક મુકાબલામાં બેંગલોરમાં રોયલ ચેલેન્જર બેંગ્લોર અને કોલકત્તા નાઈટ રાઈડર્સ સામસામે છે. પહેલા બેટિંગ કરતા ચિન્નાસ્વામી સ્ટેડિયમમાં કોલકત્તાના બોલરોએ ધમાલ મચાવી છે. જેસન રોય અને નીતિશ રાણાની ધમાકેદાર બેટિંગના કારણે કોલકત્તાએ બેંગ્લોરને 201 રનનો મોટો ટાર્ગેટ આપ્યો છે.

રોયલ ચેલેન્જર બેંગ્લોરના બોલરો સામે કોલકત્તાના બેટ્સમેનોએ ધમાલ મચાવી છે. અહીં જેસન રોય અને નીતિશ રાણાએ ધમાકેદાર બેટિંગ કરી છે. ધમાકેદાર બેટિંગ કરતા જેસન રોયે પોતાની શાનદાર અડધી સદી ફટકારી હતી.

પ્રથમ બેટિંગ કરતા KKRની શરૂઆત સારી રહી હતી. ઓપનર બેટ્સમેન જગદીશન અને જેસન રોયે તોફાની બેટિંગની ટીમને સારી શરૂઆત અપાવી. ત્યારબાદ બંનેએ સાથે મળીને પ્રથમ વિકેટ માટે 83 રનની શાનદાર ભાગીદારી નોંધાવી. બંનેએ આરસીબીના બોલરોને જોરદાર ફટકાર્યા હતા.

જેસન રોય 29 બોલમાં 56 રનના સ્કોર પર આઉટ થયો હતો અને જગદીશને 27 રનની ઇનિંગ રમી. ત્યારબાદ કેપ્ટન નીતિશ રાણા અને વેંકટેશ અય્યરે પણ તોફાની બેટિંગ કરી.

નીતિશ રાણાએ 21 બોલનો સામનો કર્યો અને 48 રન બનાવીને આઉટ થયો. તેના પછી વેંકટેશ અય્યર પણ 31 રન બનાવીને આઉટ થયો હતો. છેલ્લે છેલ્લે રિંકુ સિંહે પણ શાનદાર 18 રન ફટકારી ટીમને 200 સુધી પહોંચાડી દીધી.

English summary

RCB vs KKR: Jason Roy and Nitish Rana's brilliant batting, RCB target 201