સાક્ષી ધોની ગર્ભવતી છે? જાણો શું છે હકીકત

નવી દિલ્હી, 2 એપ્રિલ : મીડિયામાં આવી રહેલા અહેવાલો અનુસાર ભારતીય ક્રિકેટ ટીમના કેપ્ટન મહેન્દ્ર સિંહ ધોની અને પત્ની સાક્ષી રાવત આ વર્ષે જુલાઇમાં તેમના પ્રથમ સંતાનના આગમનની આશા રાખી રહ્યા છે. જો કે આ અહેવાલોને આજે સાક્ષી ધોનીએ સ્વયં રદિયો આપ્યો હતો.

આ અહેવાલો અંગે સાક્ષીએ આશ્ચર્ય વ્યક્ત કર્યું હતું. આ મુદ્દે સાક્ષીએ ટ્વીટ કર્યું છે કે 'વાઉ, શું હું પ્રેગ્નન્ટ છું... આ સમાચાર તો હું છેલ્લા બે વર્ષથી સાંભળતી આવી છું... ખબર નહીં તમને કોણે એપ્રિલ ફૂલ બનાવ્યા... તમે લોકો આંખ બંધ કરીને આવું માની લો છો...'

આ સાથે જ સાક્ષીએ પોતાની બીજી ટ્વીટમાં જણાવ્યું કે 'આવા અહેવાલોને પગલે તેને માટે શુભેચ્છા આપનાર તમામ લોકોનો આભાર માનુ છું.'

ધોનીના ચાહકો હવે ધોની પાપા કૂલ બને તેવી આશા રાખી રહ્યા છે. જો કે આ અંગે સાક્ષીએ સ્પષ્ટતા કરતા તેઓ નિરાશ બન્યા છે. ઉલ્લેખનીય છે કે અંદાજે દોઢ વર્ષ પહેલા પણ સાક્ષીના 'ગુડ ન્યુઝ' અંગે જોરદાર અફવાઓ ચાલી હતી. તે અફવાઓ ખોટી સાબિત થઇ હતી. આવી મજાક પર સાક્ષી ગુસ્સે પણ થઇ હતી.

English summary

According to a media report, India Cricket Captain Mahendra Singh Dhoni and wife Sakshi Rawat are reportedly expecting their first child in July.