ટી20 વર્લ્ડકપ: શ્રીલંકાએ વેસ્ટઇન્ડિઝને 9 વિકેટે પછાડ્યું

પાલ્લેકેલ્લે, 30 સપ્ટેમ્બર: ટી20 વર્લ્ડકપમાં સુપર-8ના છઠ્ઠા મુકાબલામાં શ્રીલંકા વેસ્ટઇન્ડિઝને 9 વિકેટે પછાડી સેમીફાઇનલમાં લગભગ જગ્યા પાકી કરી લીધી છે. 130 રનનો પીછો કરતાં શ્રીલંકાના કેપ્ટન મહેલા જયવર્દનેએ અણનમ 65 રન બનાવતાં આ લક્ષ્યને 15.2 ઓવરમાં ફક્ત એક વિકેટના નુકસાન પર પ્રાપ્ત કરી લીધો હતો. આ મહત્વપૂર્ણ ઇનિંગ રમવા બદલ મહેલા જયવર્દનેને મેન ઓફ ધ મેચ આપવામાં આવ્યો હતો. શ્રીલંકા તરફથી કુમાર સંગાકારાએ પણ અણનમ 39 રનની મહત્વપૂર્ણ ઇનિંગ રમી હતી. વેસ્ટઇન્ડિઝને દિલશાનના રૂપમાં એકમાત્ર સફળતા મળી હતી. દિલશાનને રવિ રામપાલે 13 રનના સ્કોરે પેવેલિયન ભેગો કરી દિધો હતો.

ટોસ જીતીને પ્રથમ બેટીંગ કરતાં વેસ્ટઇંડિઝે નિર્ધારિત 20 ઓવરમાં 5 વિકેટના નુકશાન પર 129 રન બનાવ્યા હતા. શ્રીલંકાની આક્રમક બોલીંગ સામે વેસ્ટઇંડિઝના બેસ્ટમેનો એક રન માટે તરસતાં હતાં. ઘાતક બેસ્ટમેન ક્રિસ ગેલ 9 બોલમાં 2 રન બનાવી આઉટ થઇ ગયો હતો. જ્યારે બીજા ઓપનર જોનસન ચાર્લ્સ 12 રન બનાવી શક્યા હતા. ઇવેન બ્રાવોએ 34 બોલમાં 40 રન બનાવીને ટીમના સ્કોરને તેજી આપી હતી. ત્યારબાદ સેમ્યુઅલ્સે પોતાની અર્ધસદીથી ટીમના સ્કોરમાં તેજીથી રન
જોડ્યા હતા. સેમુઅલ્સે 35 બોલમાં 50 રન બનાવ્યા હતાં. શ્રીલંકાના અજંતા મેંડિસે 2 વિકેટ લીધી હતી જ્યારે એન્જેલો મૈથ્યૂઝ, નુવાન કુલ શેખરા, અને જીવન મેંડિસે એક-એક વિકેટ મેળવી હતી.

English summary

Mahela Jayawardene on Saturday struck a record-equalling sixth half century in ICC World Twenty20 as Sri Lanka brightened their semifinal prospects with a crushing nine-wicket win over West Indies in their Super Eights match.