Team India New Jersey : ભારતીય ટીમની નવી જર્સી પરથી બીસીસીઆઈએ પરદો હટાવ્યો, જુઓ ફોટો
Team India New ODI Jersey : ભારતીય ટીમની નવી વન ડે જર્સી પરથી પરદો હટી ગયો છે. બીસીસીઈએ ટીમ ઈન્ડિયાની નવી જર્સી ક્રિકેટ ફેન્સ સામે રાખી છે.
બીસીસીઆઈ અધ્યક્ષ જય શાહે મહિલા ક્રિકેટ ટીમની કેપ્ટન હરમનપ્રીત કૌર સાથે એક કાર્યક્રમમાં નવી જર્સી લોંચ કરી. ટીમ ઈન્ડિયાની નવી ODI જર્સીમાં ઘણા સુધારા કરાયા છે.
જર્સી લોન્ચ કર્યા બાદ હરમનપ્રીતે તેની ખાસિયત જણાવી, જેનો વીડિયો બીસીસીઆઈએ સોશિયલ મીડિયા પર શેર કર્યો છે.
વીડિયોમાં હરમનપ્રીત કૌર જણાવી રહી છે કે, મારા માટે સન્માનની વાત છે કે મારી હાજરીમાં નવી જર્સીનું અનાવરણ કરવામાં આવ્યું છે. હું તેના દેખાવથી ખૂબ જ ખુશ છું. ખાસ કરીને ખભા પર ત્રિરંગાથી ખુશ છું.
જણાવી દઈએ કે, મહિલા ટીમ ઈન્ડિયા વેસ્ટ ઈન્ડિઝ સામે સૌથી પહેલા નવી જર્સી પહેરશે. વેસ્ટ ઈન્ડિઝની ટીમ ડિસેમ્બરમાં ભારતની મુલાકાતે આવી રહી છે.
ભારત અને વેસ્ટ ઈન્ડિઝ વચ્ચે ત્રણ વનડે અને ત્રણ ટી-20 મેચોની સિરીઝ રમાવા જઈ રહી છે. T20 સિરીઝ 15 ડિસેમ્બરથી શરૂ થશે. આ શ્રેણીની તમામ મેચો મુંબઈમાં રમાશે. OD સિરીઝ 22 ડિસેમ્બરથી તમામ મેચો સાથે વડોદરામાં રમાશે.
જણાવી દઈએ કે, ભારતની મહિલા ક્રિકેટ ટીમ ત્રણ મેચની વનડે શ્રેણી માટે ઓસ્ટ્રેલિયાના પ્રવાસે જશે. આ સિરીઝમાં હરમનપ્રીત કૌરની કેપ્ટનશીપમાં રમશે.
ભારત અને ઓસ્ટ્રેલિયા વચ્ચે પ્રથમ વનડે 5 ડિસેમ્બર અને બીજી 8 ડિસેમ્બરે રમાશે. આ બંને મેચ બ્રિસ્બેનમાં રમાશે. ત્રીજી મેચ 11 ડિસેમ્બરે પર્થમાં રમાશે.
Click it and Unblock the Notifications
Sign in with Google
