ટીમના ખરાબ પ્રદર્શનને લઈને હોકી ટીમના કોચે રાજીનામું આપ્યુ
ભારતીય હોકી ટીમ વર્લ્ડકપમાંથી બહાર રહ્યાં બાદ હવે ટીમના મુખ્ય કોચે પદ છોડી દીધુ છે. ટીમના ખરાબ પ્રદર્શન બાદ તેમને રાજીનામું આપ્યુ છે.
નવી દિલ્હી : ભારતીય હોકી ટીમ વર્લ્ડકપમાંથી બહાર થઈ ગયા બાદ હવે કોચે રાજીનામું આપ્યુ છે. ભારતીય હોકી ટીમ વર્લ્ડકપમાંથી નોક આઉટ રાઉન્ડમાંથી બહાર થઈ ગઈ હતી. હવે મુખ્ય કોચે પદ છોડવાની જાહેરાત કરી છે. હોકી ટીમના કોચ ગ્રેહામ રીડે પોતાનું રાજીનામું સોંપી દીધુ છે. વર્લ્ડ કપમાં જર્મનીની ટીમ ચેમ્પિયન બની અને ભારતીય ટીમ 9માં સ્થાને રહી છે.
મળતી વિગતો અનુસાર મુખ્ય કોચ ગ્રેહામ રીડ સિવાય એનાલિટિકલ કોચ ગ્રેગ ક્લાર્ક અને સાઈન્ટિફિક સલાહકાર મિશેલ ડેવિડ પણ પોતાના રાજીનામા આપી દીધા છે. હોકી ઈન્ડિયાના વડા દિલીપ તિર્કીને રાજીનામું સોંપનારા ગ્રેહામ રીડે 2019માં ભારતીય હોકી ટીમના મુખ્ય કોચનું પદ સંભાળ્યું હતું. આ પછી ટીમ ઈન્ડિયાને ટોક્યો ઓલિમ્પિકમાં બ્રોન્ઝ મેડલ જીત્યો હતો.
ભારતીય ટીમ વર્લ્ડ કપમાં ક્વાર્ટર ફાઇનલમાં રમવાની બાકાત રહી. ક્રોસઓવર મેચમાં ટીમ ઇન્ડિયા ન્યૂઝીલેન્ડ સામે શૂટઆઉટમાં હારીને ટૂર્નામેન્ટમાંથી બહાર થઈ ગઈ હતી. નવમા સ્થાન માટે ભારતીય ટીમે ક્લાસિફિકેશન મેચમાં જાપાનની ટીમને હરાવી હતી.
ઓડિશામાં યોજાયેલી વર્લ્ડ કપની ફાઈનલ મેચમાં જર્મની અને બેલ્જિયમ સામસામે હતા. રવિવારે કલિંગા સ્ટેડિયમમાં રમાયેલી મેચ બંને હાફના અંતે જર્મની અને બેલ્જિયમ વચ્ચે 3-3ની બરાબરી પર સમાપ્ત થઈ હતી. ત્યારબાદ શૂટઆઉટમાં જર્મનીએ 5-4થી જીત મેળવીને ત્રીજી વખત ટાઇટલ પોતાના નામે કર્યુ.
Click it and Unblock the Notifications
Sign in with Google
