Tokyo Olympics:ભારતનું ગોલ્ડ મેડલનું સપનું તુટ્યૂ, રવિ દહિયાની ફાઈનલમાં હાર

ભારતીય રેસલર રવિ દહિયાએ પુરુષોની ફ્રી સ્ટાઇલ કુસ્તીની 57 કિલો વર્ગની ફાઇનલમાં સિલ્વર મેડલ જીત્યો છે. તેની પાસે ગોલ્ડ મેડલ જીતવાની તક હતી, પરંતુ ફાઇનલમાં બે વખતના વર્લ્ડ ચેમ્પિયન રશિયાના જાવુર યુગ્યુએવના સામે તેની હાર થઈ. ટોક્યો ઓલિમ્પિકમાં ભારતનો આ 5 મો મેડલ છે.

રવિ દહિયાએ ધ્વજ લહેરાવીને હત્યા કેસમાં જેલમાં બેઠેલા સુશીલ કુમારના રેકોર્ડની બરાબરી કરી છે. 2012 માં લંડન ઓલિમ્પિકમાં સુશીલ કુમારે સિલ્વર મેડલ જીત્યો હતો. તેમના પહેલા કોઈ કુસ્તીબાજ સિલ્વર જીતી શક્યો નથી. પરંતુ હવે રવિએ ઓલિમ્પિક 2020 માં સિલ્વર મેડલ જીતીને નવો રેકોર્ડ બનાવ્યો છે. ટોક્યો ઓલિમ્પિકમાં ભારતનો આ બીજો સિલ્વર મેડલ હતો. મીરાબાઈ ચાનુએ વેઇટલિફ્ટિંગમાં સિલ્વર મેડલ જીત્યો હતો.

ભારતના ખાતામાં અત્યારસુધીમાં ભારતને 5 મેડલ મળી ચુક્યા છે. જેમાં 2 સિલ્વર અને ત્રણ બ્રોંઝ મેડલનો સમાવેશ થાય છે.

English summary

Tokyo Olympics: India's dream of gold medal shattered, Ravi Dahiya loses in final