IPL: વિરાટ કોહલી સંભાળશે રોયલ ચેલેન્જર્સ બેંગલોરની કપ્તાની

બેંગલુરુ, 21 ફેબ્રુઆરી: આઇપીએલ ફ્રેન્ચાઇજી રોયલ ચેલેન્જર્સ બેંગલોરે ઇન્ડિયન પ્રીમિયર લીગના છઠ્ઠા સિઝન માટે વિરાટ કોહલીને કપ્તાની સોંપવાનો નિર્ણય કર્યો છે. વિરાટ કોહલી ન્યૂઝિલેન્ડના ડેનિયલ વિટોરીનું સ્થાન લેશે.

આઇપીએલના છઠ્ઠી સિઝન માટે આરસીબીએ ઘણા ઓલરાઉન્ડર ખેલાડીઓને ટીમમાં સ્થાન આપ્યું છે. ટીમના માલિક વિજય માલ્યાએ એક જાહેરાતમાં જણાવ્યું કે અમને વિરાટને કપ્તાન બનાવીને ઘણો આનંદ થઇ રહ્યો છે. શીખવાની, નેતૃત્વ કરવાની અને ઉત્તમ ઉદાહરણ રજૂ કરવાની તેની ભૂખ વખાણવા યોગ્ય છે.

આઇપીએલના ઇતિહાસમાં સર્વાધિક રન બનાવનાર વિરાટ 11માં બેટ્સમેન છે, જેમણે 119.28ના સ્ટ્રાઇક રેટથી 1639 રન બનાવ્યા. વિરાટે જણાવ્યું કે આરસીબીનો કપ્તાન બનીને મને આનંદ છે. હું ટીમના માલિકોને આ વિશ્વાસ માટે આભાર વ્યક્ત કરુ છું. મને આ પડકારની રાહ છે અને હું ટીમને નવી ઉંચાઇઓ પર લઇ જવાની કોશિશ કરીશ.

English summary

Virat Kohli appointed captain of Royal Challengers Bangalore.