બોર્ડર સિક્યોરિટી ફોર્સના બ્રાંડ એમ્બેસેડર બન્યા વિરાટ કોહલી

નવી દિલ્હી, 21 સપ્ટેમ્બર: પોતાના નાનકડા કેરિયરમાં જ સફળતાના નવા શિખરો સર કરનાર ટીમ ઇન્ડિયાના યુવા બેસ્ટમેન વિરાટ કોહલીને ભારતની સૌથી મોટી સેના 'બોર્ડર સિક્યોરિટી ફોર્સ'ના બ્રાંડ એમ્બેસેડર બનાવવામાં આવ્યા છે. બીએસએફમાં 2.5 લાખ સૈનિકો છે જે દેશની સૌથી મહત્વપૂર્ણ પાકિસ્તાન અને બાંગ્લાદેશને અડીને આવેલી બોર્ડરની સુરક્ષા કરે છે.

બીએસએફ ચીફ સુભાષ જોશી અને સેનાના અન્ય સભ્યો રમત પ્રત્યે તેમના સમર્પણ અને સખત મહેનત વિશે તેમની સાથે વાત કરશે. સુભાષ જોશીનું કહેવું છે કે તેમને ઓછા સમયમાં જ ક્રિકેટના મેદાનમાં સફળતાઓ મેળવી છે, તો બીજી તરફ સેના પણ દેશની સુરક્ષા માટે સતત પ્રયત્ન કરતી રહી છે. આ કારણે વિરાટ કોહલીને બીએસએફના બ્રાંડ એમ્બેસેડર પસંદ કરવામાં આવ્યા છે જેથી યુવાનોને સેનામાં સામેલ થવાની પ્રેરણા મળી શકે છે.

25 વર્ષીય વિરાટ કોહલીએ 2011માં વેસ્ટઇન્ડિઝ વિરૂદ્ધ પોતાના ટેસ્ટ કેરિયરની શરૂઆત કરી હતી. ટીમ ઇન્ડિયાને વર્લ્ડકપ 2011 અને 2013માં ચેમ્પિયન્સ ટ્રોફી અપાવવામાં પણ વિરાટ કોહલીની મહત્વપૂર્ણ ભૂમિકા હતી. અત્રે ઉલ્લેખનીય છે કે સેના ગૃહમંત્રાલયના અંતગર્ત આવે છે. દેશમાં આંતરિક સુરક્ષા બનાવી રાખવા માટે પણ બીએસએફની મદદ લેવામાં આવે છે.

English summary

Indian cricket team's batting mainstay Virat Kohli will soon be appointed as the new brand ambassador of the country's second largest paramilitary force Border Security Force (BSF).