રિંકુ સિંહ સાથે વાયરલ થઈ રહેલી યુવતી કોણ છે? જુઓ ફોટો
આઈપીએલમાં 5 સિક્સર સાથે ધમાકો કર્યા બાદ હવે રિંકુ સિંહ ભારતીય ક્રિકેટ ટીમમાં ધમાલ મચાવી રહ્યો છે. બેટિંગ સાથે સાથે રિંકુ સિંહ સોશિયલ મીડિયા પર પણ છવાયો છે.
રિંકુ સિંહે ટીમ ઈન્ડિયા માટે શાનદાર પ્રદર્શન કરતા ઓસ્ટ્રેલિયા સામેની છેલ્લી બે મેચમાં ફિનિશરની ભૂમિકા ભજવી અને વિશાખાપટ્ટનમમાં રમાયેલી પ્રથમ T20 મેચમાં છેલ્લા બોલ પર ભારતને જીત અપાવી.
જો કે આ બોલને નો બોલ જાહેર કરવામાં આવ્યો. આ મેચમાં રિંકુ સિંહે પોતાના બેટથી 22 રનની અણનમ ઇનિંગ રમી. આગામી મેચમાં પણ તેનું બેટ ન અટક્યું અને ફરી એકવાર તોફાની બેટિંગ જોવા મળી.
આ દરમિયાન તેની એક તસવીર સોશિયલ મીડિયા પર વાયરલ થઈ રહી છે. આમાં તે એક છોકરી સાથે ઉભો છે. એવું લાગે છે કે આ ફોટો લગ્નના ફંક્શનનો છે. પાછળ મેરેજ ગાર્ડન પણ દેખાય છે.
લોકોમાં આ ફોટોને લઈને ઉત્સુકતા છે કે આ છોકરી કોણ છે? જણાવી દઈએ કે, રિંકુ સિંહ તેની બહેન સાથે ઉભો છે. રિંકુએ દિવાળીના દિવસે તેના પરિવાર સાથેનો ફોટો પોસ્ટ કર્યો હતો. ઘણીવાર રક્ષાબંધન અને અન્ય પ્રસંગોએ રિંકુ અને તેની બહેનના ફોટા આવતા રહે છે.
IPLમાં સિલેક્ટ થયા બાદ રિંકુ સિંહની લાઈફ પલટાઈ છે. રિંકુ સિંહે તેના પરિવારનું સપનું પૂરું કર્યું છે. રિંકુ સિંહ ખૂબ જ સામાન્ય પરિવારમાંથી આવે છે. તેના પિતા મજૂર તરીકે કામ કરતા અને ભાઈ ઓટો ડ્રાઈવર હતો. ટીમ ઈન્ડિયામાં જોડાયા બાદ પરિવાર માટે ખુશીના દિવસો આવ્યા છે.
KKR તરફથી રમતા રિંકુએ ગુજરાત સામે સતત પાંચ સિક્સર ફટકારીને તે રાતોરાત હીરો બની ગયો. આ પછી તેણે પાછું વળીને જોયું નથી અને બેટથી ધમાલ મચાવી રહ્યો છે. રિંકુ સિંહ પોતાની ફિટનેસ પર ઘણી મહેનત કરે છે, જેના કારણે તેણે થોડા જ સમયમાં કરોડો લોકોને પોતાના ફેન્સ બનાવી લીધા છે.
Click it and Unblock the Notifications
Sign in with Google
