World Cup 2023 : વર્લ્ડ કપની ટિકિટ ક્યાંથી અને કેવી રીતે ખરીદવી? જાણો તમામ બાબતો
આઈસીસી ક્રિકેટ વર્લ્ડ કપનું આયોજન આ વખતે ભારતમાં થઈ રહ્યું છે. વર્લ્ડ કપને લઈને ક્રિકેટ ફેન્સમાં ઉત્સાહનો માહોલ છે અને મેદાનમાં જઈને મેચ જોવા માટે ટિકિટની પડાપડી થઈ રહી છે.
ફેન્સ ટિકિટ માટે પડાપડી કરી રહ્યા છે ત્યારે એ જાણવુ જરૂરી છે કે ટિકિટ ક્યાંથી અને કેવી રીતે ખરીદવી? તો આજે અમે તમને આ બાબતે તમામ માહિતી વિગતે જણાવવા જઈ રહ્યા છીએ.
વર્લ્ડ કપ ટુર્નામેન્ટ 5 ઓક્ટોબર 2023થી અમદાવાદના નરેન્દ્ર મોદી સ્ટેડિયમમાં ઈંગ્લેન્ડ અને ન્યુઝીલેન્ડ વચ્ચેની પ્રથમ મેચ સાથે શરૂ થવાની છે. દાયકા બાદ ભારત ફરીથી ભારત વર્લ્ડ કપનું આયોજન કરી રહ્યું છે.
ટુર્નામેન્ટની યજમાની માટે 10 ભારતીય શહેરોની પસંદગી કરવામાં આવી છે. ભારતમાં ક્રિકેટનો ક્રેઝ ખૂબ જ રસપ્રદ છે. ICC ODI વર્લ્ડ કપ 2023 માટેની ટિકિટો ટિકિટ વેચાણની વિન્ડો ખોલતાંની સાથે જ વેચાઈ ગઈ છે.
એવા હજારો ક્રિકેટ ચાહકો છે જેઓ ટિકિટો ન મળવાથી નિરાશ છે. આ માંગને ધ્યાનમાં રાખીને બીસીસીઆઈએ સંબંધિત રાજ્ય બોર્ડ સાથે બેઠકો યોજી જ્યાં વર્લ્ડ કપ મેચો યોજાવાની છે અને ટિકિટ વેચાણના આગામી તબક્કામાં 400,000 થી વધુ ટિકિટો બહાર પાડવાનો નિર્ણય લીધો છે.
તમે ICC ની સત્તાવાર વેબસાઇટ પરથી ICC ODI વર્લ્ડ કપની ટિકિટ ખરીદી શકો છો, જેના માટે તમારે https://www.cricketworldcup.com/register પર તમારી નોંધણી કરાવવી પડશે. ICC અને BCCIએ પણ ટૂર્નામેન્ટની સત્તાવાર ટિકિટ વેચવા માટે બુક માય શો સાથે કરાર કર્યા છે.
આવી રીતે ખરીદો ટિકિટ?
BookMyShow પર જાઓ. અથવા તમે સીધા ICC વર્લ્ડ કપની સત્તાવાર વેબસાઇટ પર જઈ શકો છો.
તમારું મનપસંદ શહેર પસંદ કરો જ્યાં તમે મેચ જોવા માંગો છો. અથવા તમે તમારી મનપસંદ ટીમ પસંદ કરો.
એકવાર તમે શહેર પસંદ કર્યા પછી તમે નીચે તે શહેરમાં થતી મેચ ચેક કરો.
આગળ તમે જે મેચ જોવા માંગો છો તે પસંદ કરો.
BOOK વિકલ્પ પર ક્લિક કરો.
જો તમારી પાસે પહેલેથી જ એકાઉન્ટ છે તો તમે બુકિંગ પૃષ્ઠ પર સીધી વિગતો જોશો.
જો તમારી પાસે એકાઉન્ટ નથી, તો તમારે એક બનાવવાની જરૂર પડશે.
તમને કેટલી સીટ જોઈએ છે તે પસંદ કરો અને તમારી પસંદગીની સીટ પસંદ કરો.
પેમેન્ટ કરો પછી તમારી ટિકિટ બુક થઈ જશે.
Click it and Unblock the Notifications
Sign in with Google
