World Cup Final : પ્રેસ કોન્ફરન્સ પહેલાનો રોહિત શર્માનો વીડિયો વાયરલ, જાણો શું છે વીડિયોમાં?

વર્લ્ડ કપ પહેલા ભારતીય કેપ્ટન રોહિત શર્માએ પ્રેસ કોન્ફરન્સ યોજી હતી. અહીંથી તેનો મજાકીયા અંદાજ વાયરલ થઈ રહ્યો છે.

રોહિત શર્મા ઘણીવાર પ્રેસ કોન્ફરન્સમાં ફની અંદાજમાં જોવા મળે છે. ઓસ્ટ્રેલિયા સામેની ફાઈનલ મેચ પહેલા જ રોહિત શર્માએ કંઈક એવું કર્યું કે તેની તસવીરો અને વીડિયો સોશિયલ મીડિયા પર વાયરલ થઈ રહ્યા છે.

અહીં શરૂઆતમાં પ્રેસ કોન્ફરન્સનું આયોજન કરનાર એન્કરે ત્યાં હાજર મીડિયાકર્મીઓને કહ્યું કે હવે રોહિત અમારી વચ્ચે છે. તમે પ્રશ્ન કરી શકો છો. તેના પર રોહિત શર્માએ કહ્યું, અરે યાર, બધા જાણે છે, ચાલો જલ્દીથી પ્રેસ કોન્ફરન્સ શરૂ કરીએ.

રોહિત શર્માની આ વાત સાંભળીને ત્યાં હાજર તમામ મીડિયાકર્મીઓ જોર જોરથી હસવા લાગ્યા. રોહિતનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

રોહિત શર્માએ પ્રેસ કોન્ફરન્સમાં કહ્યું કે, તે કેપ્ટન બન્યો ત્યારથી આ દિવસ માટે તૈયાર હતો. તેણે ટીમમાં દરેકને તેની ભૂમિકા આપી છે અને દરેકને તેમના કામ વિશે સ્પષ્ટતા છે.
રોહિત શર્માએ કહ્યું કે, ભારતીય ટીમ ફાઈનલ મેચ માટે સંપૂર્ણ રીતે તૈયાર છે અને પોતાનું સર્વશ્રેષ્ઠ પ્રદર્શન આપવાનો પૂરો પ્રયાસ કરશે.

Rohit Sharma being Rohit Sharma in Press Conference 😆🤌 pic.twitter.com/usj6EUult9

— Immy|| 🇮🇳 (@TotallyImro45) November 18, 2023

પ્રેસ કોન્ફરન્સ વચ્ચે એક મીડિયા પર્સનનો ફોન પણ રણક્યો તો કેપ્ટન રોહિત શર્મા પરેશાન થઈ ગયો. તેણે અટકાવીને કહ્યું, આ કોનો ફોન વાગી રહ્યો છે? તેને બંધ કરો. રોહિતની આ સ્ટાઈલને ફેન્સ સોશિયલ મીડિયા પર ખૂબ પસંદ કરી રહ્યા છે.

રોહિત શર્માએ કોચ રાહુલ દ્રવિડ વિશે પણ કેટલીક વાતોનો ઉલ્લેખ કર્યો હતો. રોહિત શર્માએ કહ્યું કે, રાહુલ દ્રવિડે તમામ ખેલાડીઓને મુક્તપણે રમવાની આઝાદી આપી છે. આ જ કારણ છે કે ખેલાડીઓ વધુ સારું પ્રદર્શન કરવામાં સફળ રહ્યા છે.

English summary

World Cup Final: Rohit Sharma's video before the press conference is viral, know what is in the video?