અનેક ઐતિહાસિક સ્મારકોનું શહેર અમદાવાદ

Updated: Thursday, March 20, 2014, 15:14 [IST]

ગુજરાત રાજ્યનું એક એવું શહેર જે હંમેશાથી વિરોધાભાસી રહ્યું છે, જ્યાં એક તરફ ગુજરાતીઓ આખા વિશ્વમાં માસ્ટર બિઝનેસમેન તરીકે ઓળખાય છે, તો બીજી તરફ આ જ શહેરમાં ગાંધીજીએ સત્યાગ્રહ અને અંહિસાનો પાઠ ભણાવ્યો હતો. એક તરફ ભૌતિકવાદી દૃષ્ટિકોણ છે તો બીજી તરફ આત્મ-ત્યાગની આધ્યાત્મિકતા છે.

અનેક વિવિધતાઓ સાથે અમદાવાદ, ભારતીય સંસ્કૃતિનું સારી પેઠે પ્રતિનિધિત્વ કરે છે અને આ શહેર ભારતના સાત સૌથી મોટા મહાનગરોમાનું એક છે. અમદાવાદને ભારતનુ સૌથી ઝડપથી વિકસતું શહેર માનવામાં આવે છે.

અમદાવાદ, ગુજરાતનું આર્થિક પાનટગર કહેવાય છે, જે સાબરમતી નદીના તટે વસેલું છે. અમદાવાદને પૂર્વ સમયમાં કર્ણાવતીના નામથી ઓળખવામાં આવતું હતું, કારણ કે એ સમયે તેના શાસકનું નામ સોલંકી રાજા કર્ણદેવ પ્રથમ હતું, પરંતુ બાદમાં આ શહેર પર સુલ્તાન અહમદ શાહે હુમલો ક્યો અને તેને પોતાના કબજામાં લઇ લીધુ, ત્યારથી તેનું નામ અમદાવાદ રાખવામાં આવ્યું અને હવે લોકો તેને અમદાવાદના નામથી જ ઓળખે છે.

મહમૂદ બેગડા, સુલ્તાન અહમદના પૌત્રે શહેરની સુરક્ષાને મજબૂત કરવા માટે 10 કિ.મીની પરિધિમાં એક દીવાલનું નિર્માણ કરાવ્યું હતું, જેમાં કુલ 12 દરવાજા, 189 ગઢ અને 6000 બૈટલમેંટ્સ હતા. આ તમામ 12 દવારાજાઓમાં શ્રેષ્ઠ કોતરણી અને કૈલીગ્રાફી જોવા મળે છે. આ તમામ ફાટકોમાં બાલકની પણ છે. મોગલ શાસનકાળ દરમિયાન, અમદાવાદને સમ્રાટ અકબરે જીત્યું હતું પરંતુ તેના પર છાપ શાહજહાંએ છોડી હતી. શાહી બાગના મોતી શાહી મહેલને તેમના દ્વારા પ્રાયોજિત કરવામાં આવ્યું હતું.

અમદાવાદ શહેર એક એવું સ્થળ છે, જ્યાં અનેક ઐતિહાસિક સ્મારક છે, આધુનિક આકર્ષણો છે, મૉલ, મૂવી હૉલ છે, હઠીસિંગ જૈન મંદિર, સિદી સૈયદ મસ્જિદ, સ્વામી નારાયણ મંદિર, જામા મસ્જિદ, મહુડી જૈન મંદિર, સિટી વૉલ્સ અને ધ ગેટ્સ, રાણીનો હજીરો, ઝૂલતો મિનારો, સરખેજ રોજા, દાદા હરીર વાવ વિગેરે પ્રમુખ આકર્ષણ પ્રવાસન કેન્દ્રો છે. તો ચાલો તસવીરો થકી નીહાળીએ અમદાવાદને.