ફરીથી જીવવાનું શીખવી દે છે, કેરળનું દેવીકુલમ

Published: Thursday, June 5, 2014, 10:00 [IST]

‘ભગવાનનું પોતાનું ઘર' કેરળમાં સ્થિત પર્વતીય સ્થળ દેવીકુલમ પોતાના સુરમ્ય પ્રાકૃતિક પરિદૃશ્ય માટે પ્રસિદ્ધ છે. મુલાયમ અને હર્યાભર્યા દૂબના મેદાનોથી ઘેરાયેલા સાંકડા પર્વતો અને અણીદાર ચટ્ટાણોની વચ્ચે ખળ ખળ વહેતા ઝરણા તમને સુંદર વાતાવરણનો આનંદ આપે છે. દેવીકુલમ, ઇડુક્કી જિલ્લાના મુન્નારથી અંદાજે 7 કિ.મી દૂર છે.

પ્રકૃતિ પ્રેમીઓ માટે આ એક મનપંસદ પ્રવાસન સ્થળ છે, કારણ કે તેઓ અહી વિભિન્ન વનસ્પતિઓ અને જીવોને જોવાનો લુત્ફ ઉઠાવી શકે છે, સાથોસાથ તેનું અધ્યયન પણ કરી શકે છે. ટ્રાઉટ માછલીને પકડવી અહીની અન્ય એક ગતિવિધિ છે. દેવીકુલમ ટ્રેકર્સ માટે પણ મનપસંદ સ્થળ છે અને બગીચાઓ અને લાલ ગુંદના ઝાડોની મધ્યે ભ્રમણ વાસ્તવમાં એક અદ્બૂત અનુભવ પ્રદાન કરે છે.

આ સ્થળનું મુખ્ય આકર્ષણ સીતા દેવી ઝીલ છે. કહાણીઓ અનુસાર, દેવી સીતાએ આ ઝીલમાં સ્નાન કર્યું હતું. પલ્લીવસલ પ્રપાત ફરવાલાયક એક સુંદર સ્થળ છે. દેવીકુલમની વનસ્પતિઓ અને અન્ય જીવો અંગે અધિક જાણકારી માટે એક નિર્દેશિત પ્રવાસ કરવાનું ના ભૂલો. દેવીકુલમની યાત્રા કરો ત્યારે નજીકમાં આવેલા મુન્નારની મુલાકાત લેવાની યોજના પણ બનાવી શકો છો. તો ચાલો તસવીરો થકી જોઇએ દેવીકુલમને.