રજા ગાળનારાઓનું સ્વર્ગ છે ખંડાલા

Published: Wednesday, January 29, 2014, 12:27 [IST]

એક વ્યસ્ત અઠવાડિયા પછી તણાવ મુક્ત થવા માટે મહારાષ્ટ્ર સ્થિત ખંડાલા સૌથી ઉપયુક્ત હિલ સ્ટેશન છે. સહ્યાદ્રી શ્રેણીના પશ્ચિમ ભાગમાં સ્થિત આ સ્થળ સમુદ્ર તટથી 625 મીટરની ઉંચાઇ પર સ્થિત છે અને ભારતનું એક પ્રસિદ્ધ પ્રવાસન સ્થળ છે. ભોર ઘાટના અંતમાં સ્થિત આ સ્થળ લોનાવાલાથી લગભગ ત્રણ કિ.મીના અંતરે છે, જે એક અન્ય હિલ સ્ટેશન છે અને કર્જતથી સાત કિ.મીના અંતરે છે.

આ સ્થળના ઉદભવ અંગે કોઇ વિશ્વસનીય ઐતિહાસિક પ્રમાણ ઉપલબ્ધ નથી. તેમ છતાં એક જાણીતું તથ્ય છે કે બ્રિટિશોના અધિકાર પહેલા મહાન મરાઠા યોદ્ધા છત્રપતિ શિવાજી અને પેશવાઓએ ખંડાલા પર રાજ કર્યુ હતુ. અન્ય તમામ હિલ સ્ટેશનોની જેમ ખંડાલા પણ ઉપનિવેશીય યુગનું પ્રમાણ છે. અહીંના ઐતિહાસિક સ્થળે અને સ્મારકોમાં ભારતની સમૃદ્ધ સાંસ્કૃતિક વિરાસત સ્પષ્ટ રીતે જોવા મળે છે.

સહ્યાદ્રી પર્વત શ્રેણીના પર્વતો અને ઘાટીઓમાં વસેલા આ નાનકડા સ્થાનમાં આખું વર્ષ આનંદદાયક વાતાવરણ રહે છે. શાનદાર પ્રાકૃતિક પરિદ્રશ્યથી સુશોભિત ખંડાલા પોતાના ઘાસના પર્વતો, ઉજ્જવળ ઘાટીઓ, સુંદર ઝીલો અને સુખદ ધોધોના લોભામણા દ્રશ્યો દ્વારા પ્રવાસીને પોતાની તરફ આકર્ષિત કરે છે. આ ઉપરાંત અમૃતાંજન પોઇન્ટ, ડ્યૂક્સ નોજ, રેવુડ પાર્ક અને ભુશી બાંધ તરફ પણ પ્રવાસી આકર્ષાય છે, તો ચાલો તસવીરો થકી જોઇએ ખંડાલાને.