કહાણી અને ઇતિહાસની ભૂમિ છે કેરળનું કાલીકટ

Published: Wednesday, May 28, 2014, 11:33 [IST]

કાલીકટ જેને કોઝીકોડના નામથી પણ ઓળખવામાં આવે છે, એક ઉત્તરીય જિલ્લો છે, જે ભારતના દક્ષિણ-પશ્ચિમ તટીય પ્રદેશમાં સ્થિત છે. આ જિલ્લાનું મુખ્યાલય પણ આ નામથી ઓળખાય છે, જેવી રીતે કાલીકટ શહેર. પશ્ચિમ તરફ અરબ સાગરથી ઘેરાયેલું આ ક્ષેત્ર વિતેલા યુગમાં વ્યાપાર અને વાણિજ્યનું શાનદાર ક્ષેત્ર હતું.

આધુનિક ઇતિહાસકારો અનુસાર કાલીકટ પોતાના મસાલાઓ અને રેશમ માટે જાણીતું હતું. એ જ કારણ છેકે તેમાં હિન્દ મહાસાગરના અનેક દેશો સાથે સફળ વ્યાપારિક સંબંધ સ્થાપિત કર્યા. અનેક આફ્રિકન, એશિયન અને મધ્ય પૂર્વના દેશો સાથે મજબૂત વ્યાપારિક સંબંધોએ કાલીકટને તેના સોનેરી દિવસોનું એક પ્રસિદ્ધ આર્થિક કેન્દ્ર બનાવી દીધું.

ઔપનિવેશિક કાળ દરમિયાન કાલીકટ બ્રિટિશ ઇસ્ટ ઇન્ડિયા કંપની હેઠળ આવ્યું અને મદ્રાસ પ્રેસીડેન્સી હઠળ પ્રશાસિત કરવામાં આવ્યું. કાલીકટનું વિશ્વના ઇતિહાસમાં પણ યોગદાન છે, કારણ કે અહીના કપ્પડ સ્થળ પર પોર્ટુગિઝ નાવિક વાસ્કો દી ગામા 1498માં ઉતર્યો હતો. આ સ્થળ પર એખ સ્મારક બનાવીને આ ઐતિહાસિક ક્ષણને સન્માનિત કરવામા આવી, જે કાલીકટનું પ્રમુખ પ્રવાસન આકર્ષણ છે.

કાલીકટ એ લોકો માટે સાચું સ્વર્ગ છે, જે પગપાળા જ આ સ્થળને ફરવા માગે છે. આ જિલ્લાના ચર્ચ, મંદિર, રસ્તાઓ અને સ્મારક પોતાના રંગ અને ઇતિહાસથી યાત્રીઓને પોતાની તરફ આકર્ષિત કરે છે. બેપોર અને કપ્પડ વચ્ચે પોતાની પ્રાકૃતિક સુંદરતા અને આમોદ-પ્રમોદના કારણે આગંતુકોને પોતાની તરફ આકર્ષિત કરે છે. કદલુન્દી પક્ષી અભ્યારણ્યમાં પક્ષીઓની વિભિન્ન પ્રજાતિઓ મળી આવે છે. તો ચાલો તસવીરો થકી જોઇએ કેરળના કાલીકટને.