Farmer registry gujarat : એગ્રીસ્ટેક પોર્ટર ફરીથી શરૂ થતા ફાર્મર રજીસ્ટ્રી પુનઃ શરુ કરાઈ, જાણો કેવી રીતે કરવી?
farmer registry gujarat : ગુજરાત સરકાર દ્વારા ટેકનીકલ ખામીને કારણે અગ્રીસ્ટેક પોર્ટલને થોડા સમય માટે બંધ કરવામાં આવ્યુ હતુ.
હવે સરકાર દ્વારા ફાર્મર રજીસ્ટ્રી માટે આ પોર્ટલને ફરીથી ખોલી દેવામાં આવ્યુ છે. હવે ખેડૂતો અહીં ફાર્મર રજીસ્ટ્રી કરાવી શકશે.
ગુજરાતમાં એગ્રીસ્ટેક પ્રોજેક્ટ હેઠળ ખેડૂત ખાતેદારના લેંડ રેકોર્ડને યુનિક આઈડી સાથે લીંક કરવામાં આવી રહ્યાં છે. આના માટે 15 ઓક્ટોબરથી ફાર્મર રજીસ્ટ્રી શરૂ કરવામાં આવી હતી.
એગ્રીસ્ટેક - ફાર્મર રજીસ્ટ્રી પોર્ટલ પર તકનીકી ખામી સર્જાતા થોડા સમય માટે પોર્ટલ પર નોંધણી બંધ કરવામાં આવી હતી. હવે ખામી દૂર થતા નોંધણી પ્રક્રિયા ફરીથી કાર્યરત કરવામાં આવી છે.
જણાવી દઈએ કે, અત્યાર સુધીમાં ગુજરાતમાં 11.59 લાખથી વધુ ખેડૂતોએ ફાર્મર રજીસ્ટ્રી પૂર્ણ કરી છે. ગુજરાત સમગ્ર દેશમાં ફાર્મર રજીસ્ટ્રીમાં પ્રથમ ક્રમે છે.
ભારત સરકાર અનુસાર એગ્રીસ્ટેક પ્રોજેક્ટ હેઠળ ગુજરાતના તમામ ખેડૂતોની ફાર્મર રજીસ્ટ્રી 25 માર્ચ સુધીમાં પૂર્ણ કરવાનું આયોજન છે. પ્રધાનમંત્રી કિસાન સમ્માન નિધિ યોજનાના લાભાર્થી ખેડૂતોને આગામી ડિસેમ્બર માસનો હપ્તો મેળવવા માટે 30 નવેમ્બર સુધીમાં ફાર્મર રજીસ્ટ્રી ફરજીયાત પણે કરાવવા માટે જણાવવામાં આવ્યું હતું.
હવે જે ખેડૂતોએ 30 નવેમ્બર સુધીમાં ફાર્મર રજીસ્ટ્રી કરાવી હશે તેવા ખેડૂતોને પીએમ કિસાન યોજના હેઠળ ડિસેમ્બર માસનો હપ્તો મળશે. અન્ય ખેડૂતોને ફાર્મર રજીસ્ટ્રી પૂર્ણ કર્યા બાદ પીએમ કિસાન યોજનાના લાભો મળશે.
ખેડૂતો ઈ-ગ્રામ કેન્દ્ર ખાતે કોઇપણ પ્રકારના ચાર્જ ચૂકવ્યા વગર વિનામૂલ્યે ફાર્મર રજીસ્ટ્રી કરાવી શકે છે. ફાર્મર રજીસ્ટ્રી માટે ખેડૂતોએ ખોટી એપ્લીકેશન કે લિન્ક ન ખોલતા ગામના તલાટી/ ગ્રામ સેવકનો સંપર્ક કરી નક્કી કરેલ ઓપરેટર મારફત જ નોંધણી કરાવવી હિતાવહ છે.
Click it and Unblock the Notifications
Sign in with Google
