Gujarat Rain : આવનારા 5 દિવસ ગુજરાતમાં ચોમાસું જામશે, આ જિલ્લાઓમાં ભારે વરસાદની આગાહી
Gujarat Rain : ગુજરાતમાં ચોમાસાની શરૂઆત સાથે સાર્વત્રિક વરસાદ જોવા મળ્યો છે. હવે હવામાન વિભાગે ફરીથી વરસાદના એક સારા રાઉન્ડની આગાહી કરી છે.
હવામાન વિભાગ અનુસાર, 4 જૂલાઈથી આગામી 5 દિવસ ગુજરાતમાં સારો વરસાદ જોવા મળશે. ઘણા જિલ્લાઓમાં હવામાન વિભાગ દ્વારા ભારે વરસાદની આગાહી કરવામાં આવી છે.
હવામાન વિભાગ અનુસાર, 5 જુલાઈએ બનાસકાંઠા, પાટણ, મહેસાણા, સાબરકાંઠા, નર્મદા, સુરત, તાપી, નવસારી, વલસાડ સહિતના જિલ્લાના મોટાભાગના વિસ્તારોમાં સારો વરસાદ જોવા મળશે. આ સિવાય દક્ષિણ-પશ્ચિમ, સૌરાષ્ટ્ર અને પૂર્વ ભાગ સહિતના કેટલાંક જિલ્લામાં ધીમીધારે વરસાદ પડશે.
06 જુલાઈએ રાજ્યના મોટાભાગના વિસ્તારોમાં ગાજવીજ સાથે હળવાથી મધ્યમ ધારે વરસાદ જોવા મળી શકે છે. 07 જુલાઈમાં રાજ્યમાં વરસાદનું પ્રમાણ મધ્યમ રહેશે.
08 જુલાઈએ બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ, ખેડા, અરવલ્લી, મહીસાગર, દાહોદ, પંચમહાલ, વડોદરા, આણંદ, છોટા ઉદેપુર, ભરુચ, નર્મદા, સુરત, તાપી, નવસારી, ડાંગ અને વલસાડ જિલ્લાના અનેક વિસ્તારોમાં વીજળીના કડાકા સાથે વરસાદી માહોલ જોવા મળી શકે છે.
આ સિવાય કચ્છ, મોરબી, સુરેન્દ્રનગર, બોટાદ, જામનગર, રાજકોટ, દેવભૂમિ દ્વારકા, પોરબંદર, જુનાગઢ, અમરેલી, ગીર સોમનાથ, ભાવનગર જિલ્લામાં અમુક સ્થળોએ ગાજવીજ સાથે હળવાથી મધ્યમ વરસાદ જોવા મળશે.
Click it and Unblock the Notifications
Sign in with Google
