Kisan Samman Nidhi : પીએમ કિસાન યોજનાનો 20મો હપ્તો 2 ઓગસ્ટે ખેડૂતોના ખાતામાં જમા થશે

Published: Wednesday, July 30, 2025, 19:13 [IST]

Kisan Samman Nidhi : પ્રધાનમંત્રી કિસાન સન્માન નિધિ (PM-KISAN) યોજના હેઠળ દેશભરના કરોડો ખેડૂતો માટે એક સારા સમાચાર છે. આ યોજનાનો 20મો હપ્તો આગામી 2 ઓગસ્ટ 2025 ના રોજ ખેડૂતોના બેંક ખાતામાં સીધો જમા કરવામાં આવશે. આ હપ્તામાં દરેક પાત્ર ખેડૂતને રૂપિયા 2000 મળશે.

PM-KISAN યોજના અંતર્ગત ભારત સરકાર દર વર્ષે પાત્ર ખેડૂતોને ત્રણ સમાન હપ્તામાં કુલ રૂપિયા 6000 ની આર્થિક સહાય પૂરી પાડે છે. આ રકમ ખેડૂતોને ખેતી સંબંધિત જરૂરિયાતો પૂરી પાડવામાં મદદરૂપ થાય છે.

જો કે, આ હપ્તો મેળવવા માટે ખેડૂતોએ કેટલીક મહત્વપૂર્ણ બાબતોનું ધ્યાન રાખવું અનિવાર્ય છે.

e-KYC ફરજિયાત : સરકારે PM-KISAN યોજના માટે e-KYC પ્રક્રિયાને સંપૂર્ણપણે ફરજિયાત બનાવી દીધી છે. જો કોઈ ખેડૂતનું e-KYC અધૂરું હશે તો તેમને 20મો હપ્તો નહીં મળે. તેથી જો તમે હજી સુધી તમારું e-KYC પૂર્ણ ન કર્યું હોય તો તેને તાત્કાલિક કરાવી લેવું હિતાવહ છે.
આધાર લિંકિંગ: તમારા બેંક ખાતા સાથે તમારું આધાર કાર્ડ લિંક હોવું પણ અત્યંત જરૂરી છે. જો તમારું બેંક ખાતું આધાર સાથે લિંક નહીં હોય તો પણ તમને આ હપ્તો મળી શકશે નહીં.

ખેડૂતોને વિનંતી કરવામાં આવે છે કે તેઓ ઉપરોક્ત બંને શરતો પૂરી પાડીને 20મા હપ્તાનો લાભ મેળવી શકે. સમયસર e-KYC અને આધાર લિંકિંગ કરાવીને તમે કોઈપણ મુશ્કેલી વિના તમારા ખાતામાં 2000 રૂપિયાનો હપ્તો મેળવી શકશો.

Published On July 30, 2025