ગુજરાતમાં ટેકાના ભાવે રેકોર્ડ બ્રેક મગફળીની ખરીદી, અધધ આટલી મગફળીની ખરીદી કરાઈ
ગુજરાતમાં રાજ્યમાં મગફળી સહિતના ખરીફ પાકોની ટેકાના ભાવે ખરીદી સફળતાપૂર્વક પૂર્ણ થઈ રહી છે. આ વર્ષે રાજ્યના મગફળી ઉત્પાદકો માટે રેકોર્ડબ્રેક ખરીદી થઈ છે, જેમાં ખેડૂતોને માત્ર 7 દિવસમાં ચુકવણું કરવામાં આવી રહ્યું છે.
કૃષિ મંત્રી શ્રી રાઘવજી પટેલે જણાવ્યુ કે, આ વર્ષે 3.67 લાખથી વધુ ખેડૂતો પાસેથી 8,295 કરોડના મૂલ્યની 12.23 લાખ મેટ્રિક ટન મગફળીની ખરીદી થઈ છે. આ આંકડા રાજ્યમાં અત્યાર સુધીની સૌથી વધુ ખરીદી દર્શાવે છે.
કેન્દ્રીય કૃષિ મંત્રાલયે મગફળીના દૈનિક ખરીદ મર્યાદામાં 125 મણમાંથી 200 મણ સુધી વધારાની જાહેરાત કરી હતી, જેના કારણે આ રેકોર્ડબ્રેક ખરીદી શક્ય બની છે.
મગફળીના ટેકાના ભાવ મણે 250 વધુ હોવાથી ખેડૂતો આ યોજનાથી પ્રોત્સાહિત થયા છે. કુલ 3.67 લાખ ખેડૂતોને 1,530 કરોડનો સીધો લાભ મળ્યો છે. નોંધણી કરાયેલા 98% ખેડૂતોએ આ યોજનાનો લાભ લીધો છે અને 2.92 લાખથી વધુ ખેડૂતોના બેંક ખાતામાં 6,600 કરોડનું ચુકવણું માત્ર 7 દિવસમાં પૂર્ણ થયું છે.
મગફળીના ટેકાના ભાવ પર ટકાવારી મુજબ દરેક ખેડૂતને યોગ્ય સેવાઓ મળી રહે તે માટે ખરીદી કેન્દ્રોમાં બારદાન ઉપલબ્ધતા, મગફળીનો જથ્થો ગોડાઉનમાં સંગ્રહ કરવા આગોતરી તૈયારીઓ અને સમયસર ચૂકવણાંની વ્યવસ્થા કરવામાં આવી હતી.
ગુજકૌન અને રાજય સરકારના તંત્રના પ્રયાસોનો લાભ મેળવી ખેડૂતો માટે મુદત પૂરી થયા બાદ પણ ખરીદી પાંચ દિવસ લંબાવવામાં આવી હતી.
Click it and Unblock the Notifications
Sign in with Google
