ઓટો કાર શોને હોટ જેકલીનની કૂલ ઝપ્પી

Updated: Thursday, October 16, 2014, 16:21 [IST]

બૉલીવુડ અને ઓટો વિશ્વનો નાતો ધીરે ધીરે મજબૂત થતો જઇ રહ્યો છે, જ્યારે પણ કોઇ કાર નિર્માણ કરતી કંપની અથવા તો ટૂવ્હીલર નિર્માણ કરતી કંપની દ્વારા પોતાના નવા મોડલને બજારમાં ઉતારવામાં આવે છે, ત્યારે તેઓ અચુકપણે કોઇને કોઇ બૉલીવુડ હસ્તીને પોતાની બ્રાન્ડ એમ્બેસેડર બનાવે છે અને પોતાના નવા મોડલને તેમના હાથે લોન્ચ કરે છે. જો કે આ વખતે કોઇ નવા મોડલના લોન્ચિંગની વાત કરવામાં આવી રહી નથી પરંતુ આ વખતે અમે બૉલીવુડના ઓટો વિશ્વ સાથેના નવા જોડાણ અંગે વાત કરી રહ્યાં છીએ.

મુંબઇમાં 20મી ઓક્ટોબરથી ઓટો કાર પરફોર્મન્સ શો 2013નું આયોજન કરવામાં આવ્યું છે, આ આયોજન દરમિયાન બૉલીવુડની કોઇ બહુ જાણીતી અને ચર્ચિત હસ્તી નહીં પરંતુ બૉલીવુડ સાથે થોડાક સમયથી જોડાયેલી એક હોટ એન્ડ બ્યુટીફુલ બેબ્સને બોલાવવામાં આવી હતી. જી હાં, અમે વાત કરી રહ્યાં છીએ, ‘જાદુ કી ઝપ્પી સોંગ' આઇટમ સોંગમાં પોતાની કમરના લટકાં અને ઝટકાં દર્શનાવનારી અને રેસ 2, હાઉસફૂલ 2 જેવી ફિલ્મોમાં કામ કરી ચૂકેલી અભિનેત્રી જેકલીન ફર્નાન્ડિઝની. ઓટો કાર પરફોર્મન્સ શોમાં બૉલીવુડ અભિનેત્રી જેકલીને હાજરી આપી હતી. તો ચાલો તસવીરો થકી જોઇએ ઓટો કાર પરફોર્મન્સ અને જેકલીનને.