ઓસ્ટ્રેલિયાઃ કાર ડ્રાઇવરની આ હરકતે છટકાવી પોલીસની ‘કમાન’

Published: Wednesday, July 24, 2013, 15:48 [IST]

એડીલેડ, 24 જુલાઇઃ વિશ્વ અનેક અજુબાઓનો ખજાનો છે, કેટલીક અજાયબીઓની રચના કુદરતે કરી હોય છે, તો કેટલાક માનવીઓ પોતાની હરકતોથી એક અજાયબી બની જતા હોય છે. આવો જ એક કિસ્સો દક્ષિણ ઓસ્ટ્રેલિયામાં થયો છે. જ્યાં કાર ડ્રાઇવરની હરકતે પોલીસ કર્મીઓની ‘કમાન' છટકાવી નાંખી હતી.

સામાન્ય રીતે ગાડીના બે વ્હીલમાં હવા ના હોય અને સ્ટીયરિંગ પણ ના હોય તો ગાડી ચલાવી શકીએ નહીં, પરંતુ આ અનોખા માનવીએ આ કારનામું કરી બતાવ્યું હતું. જેની ધરપકડ ઓસ્ટ્રેલિયાના એડિલેડ ઉપનગરમાં ગાઇલ્સ મેદાનોમાંથી પોલીસે કરી છે.

આ મહોદય કારને વધુ ઝડપથી ખોટી રીતે ચલાવી રહ્યાં હતા, પોલીસે તેને રોક્યો, પરંતુ જેવી પોલીસ કારની નજીક પહોંચી તો હેરાન રહી ગઇ કારણ કે, કારમાં સ્ટીયરિંગ જ નહોતું. યુવક કારને કંન્ટ્રોલ કરવા માટે પકડનો ઉપયોગ કરી રહ્યો હતો.

ચાલક વિરુદ્ધ મામલો દાખલ કરવામા આવ્યો છે. તેમજ તેના પર વીમા વગરનું વાહન ચલાવવાનો પણ આરોપ લગાવવામાં આવ્યો છે અને યુવકે નશો પણ કર્યો હતો.

Published On July 24, 2013