આ રેસરની અદાઓ જોઇને તમે રહી જશો દંગ

| Published: Thursday, February 28, 2013, 15:46 [IST]

સામાન્ય રીતે કાર રેસિંગની વાત કરવામાં આવે ત્યારે હંમેશા તેને પુરુષો સાથે જોડવામાં આવે છે. હવાઓ સાથે વાત કરતી, ટ્રેક પર વાયુ વેગે દોડતી અને ધુમાડાઓને જોઇને દરેકના ધબકારા વધી જાય છે, પરંતુ એવું નથી કે રેસ ટ્રેક પર માત્ર પુરુષોનો જ દબદબો છે, હવે આ જૂના જમાનાની વાત થઇ ગઇ છે. જી હાં, રેસિંગ ટ્રેક પર હવે મહિલાઓ શાનદાર કાર્સ થકી કલાબાજી કરી રહી છે, એટલું જ નહીં પરંતુ પોતાનો શોખ, અદાઓથી તે પુરુષોને પણ માત આપી રહી છે.

કંઇક આવું હુનર અમેરિકાની ઓટો રેસિંગ ડ્રાઇવર ડેનિકા પૈટ્રિક પાસે પણ છે. ડેનિકા દેખાવે જેટલી કોમળ છે, તેટલા જ શખ્ત તેના ઇરાદા છે. તેને જોઇને કોઇપણ નહીં કહી શકે કે આ ખુબુસરત બાળા રેસિંગ ટ્રેક પર મોત સાથે રમે છે. ડેનિકા પેટ્રિક અમેરિકાની જાણીતી કાર રેસર છે, એટલું જ નહી તે અમેરિકાની એકમાત્ર રેસર છે જેણે ઇન્ડી કાર રેસમાં પોતાનો કબજો જમાવ્યો છે.

ડેનિકાનો જન્મ 25 માર્ચ વર્ષ 1982માં અમેરિકામાં થયો હતો, નાનપણથી જ ડેનિકાને કાર રેસિંગ પ્રત્યે ખાસ્સો લગાવ હતો. આગળ જતા તે આ જ જુસ્સા સાથે એક સફળ કાર રેસર બની ગઇ. વ્યવસાયે તે માત્ર કાર રેસર નથી પરંતુ એક સારી મોડલ પણ છે. આ ઉપરાંત તે એડવર્ટિઝમેન્ટ એનાઉન્સર પણ છે. તાજેતરમાં ડેનિકાએ પોતાનું હોટ કેલેન્ડર લોન્ચ કર્યું છે. તો ચાલો તસવીરોમાં જોઇએ ડેનિકાનો હોટ અંદાજ.