આ કાર જોતા જ મહિલાઓના મુખેથી સરી પડે છે WOW
આમ તો સામાન્ય રીતે જ્યારે કોઇ કારની ખરીદી કરવામાં આવે છે ત્યારે પરિવારના મોભી દ્વારા કે પછી યુવાનો દ્વારા પસંદ કરવામાં આવેલી કારને વધું મહત્વ આપવામાં આવે છે અને કારની ખરીદી વખતે મહિલાઓ દ્વારા તેમાં કોઇપણ પ્રકારનો હસ્તક્ષેપ કરવામાં આવતો નથી. જેથી આપણને એવું લાગે કે મહિલાઓની કોઇ ખાસ કાર પંસદગી નહીં પરંતુ જો, તમે એવું વિચારી રહ્યાં હોવ તો ખોટા છો, કારણ કે અહીં એક એવો સર્વે આપવામાં આવ્યો છે, જેમાં મહિલાને પસંદ પડતી ટોપ ટેન કાર અંગે જણાવવામાં આવ્યું છે.
વિશ્વ ભરમાં એકથી એક શાનદાર કાર રજૂ કરીને લોકોને મોહિત કરતી વિવિધ કાર નિર્માતા કંપનીઓની કેટલીક એવી કાર છે કે જેણે મહિલાઓના દિલા ખાસ સ્થાન મેળવ્યું છે, જેમાં વોલ્વો, નિસાન, ફોક્સવેગન સહિતની કંપનીઓ છે, તો ચાલો તસવીરો થકી આપણે મહિલાઓને કઇ કાર કેટલી પસંદ છે તે અંગેના એક રોચક સર્વે પર નજર ફેરવીએ.
વોલ્વો એસ 40(Volvo S40)
આ કાર મહિલામાં ઘણી જ લોકપ્રિય છે, સર્વે અનુસાર મહિલાઓ દ્વારા ખરીદવામાં આવેલી કારની ટકાવારી 57.9 છે.
નિસાન રોગ(Nissan Rogue)
વોલ્વોની એસ40ની જેમ નિસાનની રોગ પણ મહિલાઓમાં ખાસ્સી લોકપ્રિય છે. સર્વેમાં જણાવવામાં આવેલી ટકાવારી અનુસાર વિશ્વમાં 56.9 ટકા મહિલાઓ દ્વારા આ કારની ખરીદી કરવામાં આવે છે.
ફોક્સવેગન ઇઓસ(Volkswagon Eos)
ફોક્સવેગનની ઇઓસ મહિલાઓની પસંદગીના મામલે ત્રીજા નંબર પર આવે છે. મહિલાઓ દ્વારા આ કારની ખરીદીની ટકાવારી 54.4 ટકા છે.
ફોક્સવેગન બીટલ(Volkswagen Beetle)
ફોક્સવેગનની બીટલ પણ મહિલાઓની પસંદગીમાં ખરી ઉતરી છે. મહિલાઓ દ્વારા આ કારની ખરીદી કરવાની ટકાવારી 54.6 ટકા છે.
હુન્ડાઇ ટસ્કન(Hyundai Tucson)
મહિલાઓ દ્વારા હુન્ડાઇની ટસ્કન કારની ખરીદી કરવાની ટકાવારી 54 ટકા છે.
હોન્ડા સીઆરવી(Honda CR-V)
હોન્ડાની સીઆરવી પણ મહિલાઓનું દિલ જીતવામાં સફળ નીવડી છે. વિશ્વભરમાં આ કારની મહિલાઓ દ્વારા કરવામા આવતી ખરીદીની ટકાવારી 53.4 ટકા છે.
ટોયોટા આરએવી 4(Toyota RAV4)
વિશ્વની 53 ટકા મહિલાઓ દ્વારા ટોયોટાની આરએવી 4ની ખરીદી કરવામાં આવે છે.
નિસાન જૂક(Nissan JUKE)
વિશ્વની 52.7 ટકા મહિલાઓ દ્વારા નિસાનની જૂક કારને ખરીદવામાં આવે છે.
જીપ કોમ્પાસ(Jeep Compass)
જીપ દ્વારા પ્રસ્તુત કરવામાં આવતી કારની વાત કરવામાં આવે તો વિશ્વની 52.7 ટકા મહિલાઓ દ્વારા જીપની કોમ્પાસની ખરીદી કરવામાં આવે છે.
નિસાન વેર્સા(Nissan Versa)
મહિલાઓમાં નિસાન કાર ઘણી જ લોકપ્રિય છે. આ સર્વેમાં મહિલાઓ દ્વારા ખરીદવામાં આવતી કારમાં નિસાનની આ ત્રીજી કાર છે. નિસાનની આ કાર ખરીદવામાં મહિલાઓની ટકાવારી 52.2 ટકા છે.