ખરતા વાળની સમસ્યા થશે દૂર, જાણો કેવી રીતે ઘરે બનાવશો ડુંગળીનું તેલ
How To Make Onion Oil in Gujarati: ચોમાસામાં વાળ ખરવાની સમસ્યા મોટાભાગના લોકોમાં જોવા મળે છે. જેનું મુખ્ય કારણ હવામાન માનવામાં આવે છે. ચોમાસામાં ભેજના કારણે પરસેવા અને બફારાને કારણે વાળ ખરવાની સમસ્યા સર્જાય છે. આવા સમયે કેટલાક લોકોના વાળ પ્રદૂષણ અને ખરાબ પાણીના કારણે ઝડપથી ખરવા લાગે છે.
જો લાંબા સમય સુધી વાળ ખરતા રહે, તો તેનાથી ટાલ પણ પડી શકે છે. તેથી વાળ ખરવાને ગંભીરતાથી લેવું જરૂરી છે. ડુંગળીનું તેલ વાળ ખરતા અટકાવવામાં કારગર સાબિત થાય છે. જેના કારણે માથા પર નવા વાળ પણ ઉગવા લાગે છે.
તો તમે ઘરે ઉપયોગમાં લેવાતી ડુંગળીમાંથી તેલ બનાવી શકો છો. વાળ માટે ડુંગળીનું તેલ સરળતાથી ઘરે બનાવી શકાય છે. આ તેલને 1 -2 કલાક માટે લગાવાનું રહેશે. ડુંગળીના તેલના ઉપયોગથી તમારા નબળા અને પાતળા વાળ જાડા અને ગાઢ બનશે. - Onion Oil recipe in Gujarati
ડુંગળીના તેલમાં એન્ટી-ઓક્સિડન્ટ અને ઘણા એન્ઝાઇમ જોવા મળે છે, જે વાળ માટે ફાયદાકારક સાબિત થાય છે. ડુંગળીનું તેલ સતત લગાવવાથી નવા વાળ ઉગવા લાગે છે.
ડુંગળીનું તેલ કેવી રીતે બનાવવું - ડુંગળીનું તેલ તૈયાર કરવા માટે 200 ગ્રામ નારિયેળ તેલ લો. જો તમે ઈચ્છો, તો સરસવના તેલમાં પણ બનાવી શકો છો. હવે એક પેનમાં તેલ ગરમ કરો અને તેમાં 1 મોટી સમારેલી ડુંગળી અને 1 કપ કરી પત્તા ઉમેરો.
બંને વસ્તુઓને તળી લો અને પછી ગેસ બંધ કરી દો. જો તમે ઈચ્છો છો, તો ફક્ત ડુંગળીનો ઉપયોગ કરો. તમે લવિંગને પીસીને તેલમાં પણ મિક્સ કરી શકો છો.
જ્યારે ડુંગળી તળાઈ જાય અને તેલ ઠંડુ થઈ જાય ત્યારે તેને એક બાઉલમાં કાઢી લો. તૈયાર છે ડુંગળીનું તેલ. તેને તમારા વાળમાં સારી રીતે લગાવો. બે ત્રણ કલાક બાદ શેમ્પૂથી વાળ ધોઈ લો.
ડુંગળીનું તેલ લગાવવાના ફાયદા - ડુંગળીનું તેલ વાળ માટે વરદાન સમાન છે. ડુંગળીમાં એન્ઝાઇમ હોય છે, જે વાળના સારા વિકાસને પ્રોત્સાહન આપે છે. નવા વાળ પણ ઉગવા લાગે છે. ડુંગળીનું તેલ લગાવવાથી વાળનીજાડાઈ વધે છે, અને તેનાથી વાળ જાડા થાય છે.
જે લોકોને વાળ ખરવાની સમસ્યા હોય, તેમણે ડુંગળીનું તેલ ચોક્કસ લગાવવું જોઈએ. ડુંગળીનું તેલ સફેદ વાળનીસમસ્યાને પણ ઘટાડે છે.
આ માથાની ચામડી પરના બેક્ટેરિયલ સંક્રમણને પણ દૂર કરે છે. પીએચ સ્તર સંતુલિત રહે છે, અને ડુંગળીનું તેલ કુદરતી કંડીશનર તરીકે કામ કરે છે.
નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ લેખ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.
Click it and Unblock the Notifications
Sign in with Google
