ઓછી વસ્તીથી પરેશાન આ દેશમાં કોલેજ સ્ટુડન્ટને મળે લવ બ્રેક, જાણો શું છે સ્પ્રિંગ હોલી ડે?
ચીન ધીરે ધીરે એક મોટી સમસ્યામાં ઘેરાતું જાય છે. ચીનમાં ઘટતો જન્મ દર સરકાર માટે ટેન્શનનું કારણ બન્યો છે. આના કારણે. ચીન ઘણી મુશ્કેલીમાંથી પસાર થઈ રહ્યું છે. હવે ચીન આ સમસ્યાનો સામનો કરવા પગલા ભરી રહ્યું છે. દાવપેચ અજમાવીને દેશની ઘટતી વસ્તીને સુધારવા પર ભાર મુકવામાં આવી રહ્યો છે. ચીન સરકાર આ માટે ઘણી યોજનાઓ પણ ચલાવી રહી છે, જેથી લોકો બાળકોને જન્મ આપી શકે અને દેશનો જન્મ દર સુધારી શકે. હવે ચીને દેશની કોલેજોમાં એક વિચિત્ર સ્કીમ શરૂ કરી છે.
આ અંતર્ગત ચીન ઘણી કોલેજોમાં વિદ્યાર્થીઓને તેમના પ્રેમને શોધવા એક સપ્તાહની ખાસ રજા અપાય છે. આ રજાઓને સ્પ્રિંગ બ્રેક નામ આપવામાં આવ્યું છે, જેમાં વિદ્યાર્થીઓ તેમના રોમાંસ પર વિશેષ ધ્યાન આપી શકે. સૌપ્રથમ 21મી માર્ચથી આ સ્પ્રિંગ બ્રેક શરૂ થઈ હતી. જે બાદ હવે અન્ય કોલેજોમાં 1 એપ્રિલથી 7 એપ્રિલ સુધી આ બ્રેક આપવામાં આવી રહ્યો છે.
અહેવાલો અનુસાર, મિયાયાંગ ફ્લાઈંગ વોકેશનલ કોલેજના ડેપ્યુટી ડીન લિયાંગ ગુઓહુઈએ કહ્યું કે તેમને આશા છે કે વિદ્યાર્થીઓ પાણી અને લીલા પહાડો જોવા જઈ શકે અને વસંતની સુગંધ અનુભવી શકશે, જે તેમને પ્રિય છે. આ તેમનામાં કુદરત પ્રત્યેનો લગાવ અને પ્રેમ વધારશે.
આ સાથે જ કોલેજોએ સ્પ્રિંગ હોલી ડેમાં વિદ્યાર્થીઓને હોમવર્ક પણ આપ્યું છે. જેમાં તેમને પોતાના અનુભવો શેર કરવાના હોય છે. રિપોર્ટ અનુસાર, ચીનની સરકાર કોલેજ મેનેજમેન્ટ સાથે મળીને જન્મ દર વધારવાના ઉપાયો શોધવાનો પ્રયાસ કરી રહી છે.
અહીં તમને જણાવી દઈએ કે, ચીને 1980માં શરૂ થયેલી તેની વન ચાઈલ્ડ પોલિસી લાગુ કરીને વસ્તી નિયંત્રણ પર ધ્યાન કેન્દ્રિત કર્યું હતું, જે 2015 સુધી ચાલી. આ પછી જ્યારે વસ્તી દર ઘટવા લાગ્યો ત્યારે ચીને પીછેહઠ કરી અને એક બાળકની નીતિ નાબૂદ કરી. જે બાદ ચીનની સરકારે વર્ષ 2021થી જન્મ દર વધારવાના પ્રયાસો શરૂ કર્યા છે. ચીનની સરકારે વન ચાઈલ્ડ પોલિસી નાબૂદ કરીને બાળકોની સંખ્યામાં વધારો કર્યો છે. હવે લોકોને ઘણી સમસ્યાઓનો સામનો કરવો પડી રહ્યો છે, જેના કારણે તેઓ આ કામ માટે આગળ વધી રહ્યા નથી.
Click it and Unblock the Notifications
Sign in with Google
