લગ્ન માટે મૂકી એવી શરતો, વાયરલ થઇ રહી છે પોસ્ટ

ભારત વિવિધતાઓથી ભરેલો દેશ છે, ઘણીવાર આ વિવિધતા ઘણી અજીબ હોય છે. ભારતમાં લગ્નના વીડિયો કે ફોટોસ વાયરલ થતા રહે છે, જે વચ્ચે હવે એક લગ્ન માટે મૂકવામાં આવેલી શરતો વાળું કટિંગ વાયરલ થઇ રહ્યું છે. લોકો આ કટિંગ પર પોતપોતાની પ્રતિક્રિયાઓ આપી રહ્યા છે. આ કટિંગમાં જણાવવામાં આવ્યું છે કે, તેને કઇ કોલેજમાંથી પાસ આઉટ થયેલો પાર્ટનર જોઇએ છે અને તેમાં શું શું વિશેષતાઓ હોવી જોઇએ.

મૂકવામાં આવી વિચિત્ર શરતો

વાસ્તવમાં આ તસવીર ટ્વિટર પર ઘણા યુઝર્સ દ્વારા શેર કરવામાં આવી છે. આમાં પાર્ટનર માટે વિચિત્ર શરતો મૂકવામાં આવી છે. જોકે, તે જાણી શકાયું નથી કે, આ શરતો છોકરીતરફથી મૂકવામાં આવી છે કે, છોકરા તરફથી મૂકવામાં આવી છે, પરંતુ તેની માંગ આશ્ચર્યજનક છે. કેટલાક લોકો આ શરતો પર રોષે ભરાયા છે અને કેટલાક લોકો તેની મજા પણ લઈ રહ્યા છે.

કોલેજોનો પણ ઉલ્લેખ કરાયો

જેમાં પહેલા લખવામાં આવ્યું છે કે, સંભવિત પાર્ટનરનો જન્મ 1992 પહેલા થયો ન હોવો જોઇએ. પાર્ટનર પાસે MBA, MTech, MS અથવા PGDM ડિગ્રી હોવી આવશ્યક છે. આ ડિગ્રી ચોક્કસ સંસ્થામાંથી હોવી જોઈએ. જેમાં NIT, 4 IIIT, IISc બેંગ્લોર, BITS પિલાની, DTU, NSIT, જાદવપુર યુનિવર્સિટીમાંથી પ્રાપ્ત થયેલી હોવી જોઇએ. આટલું જ નહીં, આ કોલેજોમાંથી તેમણે અભ્યાસ કર્યો હોવાનો પણ ઉલ્લેખ કરવામાં આવ્યો છે.

What is your take on this? pic.twitter.com/FWO1YGyxge

— Dr.D G- KOHLI'S SLAVE (@RetardedHurt) October 17, 2022

સ્થાન, કુટુંબ, પગાર અને જાતિ

આ પછી સ્થાન, પરિવારના સભ્યો, પગાર અને જાતિ લખવામાં આવી છે. દિલ્હી એનસીઆરનો રહેવાસી હોવો જોઈએ. પાર્ટનરમાં બેથી વધુ ભાઈ-બહેન ન હોવા જોઈએ, વાર્ષિક પગાર 30 લાખથી ઓછો ન હોવો જોઈએ, ઊંચાઈ 5.7 થી 6 ફૂટની વચ્ચે હોવી જોઈએ. તેમજ તે નોન માંગલિક અગ્રવાલ કાસ્ટનો જ હોવો જોઈએ.

હાલમાં આ શરતો સાથે આ લગ્નનો બાયોડેટા વાયરલ થઈ રહ્યો છે. આ જોઈને ટ્વિટર પર પ્રતિક્રિયાઓનો મારો શરૂ થઈ ગયો છે. કેટલાક યુઝર તેને ફેક ગણાવી રહ્યા છે, તો કેટલાક કહી રહ્યા છે કે, આવી શરતો સાથે બહુ ઓછા લોકોને જીવનસાથી મળશે.

English summary

Conditions put for marriage, the post is going viral