વાત એ રાતની, જ્યારે ધડાકા સાથે ગામમાં રહેતા લોકો સાથે તમામ જીવોના મોત થઈ ગયા, જાણો પુરી ઘટના વિશે?
પૃથ્વી પર ઓક્સિજન માણસોને રહેવા માટે સૌથી જરૂરી વાયુ છે અને કાર્બન ડાયોક્સાઈડ સૌથી ખતરનાક વાયુ છે. જો આ બન્નેની ઉપસ્થિતીમાં ગડબડ પેદા થઈ તો દુનિયાભરના તમામ જીવો પર જોખમ આવી શકે છે. આ જોખમ કેટલુ ખતરનાક હોય તેનો પુવારો આફ્રિકાના એક ગામમાં મળ્યો હતો.
આફ્રિકાના એક ગામમાં કાર્બન ડાયોક્સાઈડના કારણે આખુ ગામ મોતની નીંદ ઉંઘી ગયુ. અહીં માત્ર માણસો જ નહીં પ્રાણીઓ અમે તમામ જીવોના મોત થઈ ગયા. લેક ન્યોસ ડિઝાસ્ટર તરીકે ઓળખાતી આ ઘટનામાં 1746 લોકો અને 3500 જેટલા પશુઓના મોત થયા હતા.
અહેવાલો અનુસાર, 21 ઓગસ્ટ 1986ના રોજ પશ્ચિમ આફ્રિકાના ન્યોસ નામના ગામમાં રાત્રે 9 વાગ્યા આસપાસ લોકોએ ગડગડાટ સંભળાયો હતો. બીજે દિવસે સવારે ત્યાં બચેલા એક વ્યક્તિએ જોયુ તો તમામ લોકોના મોત થઈ ગયા હતા. માત્ર થોડા ગણ્યા ગાંઠ્યા લોકો જ બચ્યા હતા.
આ ઘટનામાં બચી ગયેલા એફ્રેમ નામના એક વ્યક્તિએ જણાવ્યુ કે, તેને બહાર આવીને જોયુ તો એક મહિલા તેના બાળકોના મૃતદેહ સામે બેસીને ચિત્કાર કરી રહી હતી. એફ્રેમ તેના પરિવારના 30 થી વધુ સભ્યો અને તેમના 400 પ્રાણીઓને મૃત જોયા. આ વ્યક્તિએ જણાવ્યુ કે, તે દિવસે લાશો પર કોઈ માખીઓ ન હતી. તમામ પ્રકારના જીવોના મોત થઈ ગયા હતા.
ન્યોસ લેક દુર્ઘટનાનું મુખ્ય કારણ તળાવના ઊંડા સ્તરોમાં રહેલો કાર્બન ડાયોક્સાઇડનો ભંડાર હતો. તેના વિસ્ફોટથી ન્યોસ તળાવની ઊંડાઈમાંથી કાર્બન ડાયોક્સાઇડ ગેસનો વિશાળ જથ્થો બહાર આવ્યો અને ન્યોસ ગામમાં લગભગ દરેક જીવીત પ્રાણીઓ અને લોકોને ગૂંગળાવીને મોત સુધી પહોંચાડી દીધા.
કેટલાક બચી ગયેલા લોકોએ તળાવમાંથી ગનપાઉડર અથવા સડેલા ઈંડા જેવી ગંધ આવવાની જાણ કરી. આનાથી આ ગેસ લીક થયો હોવાના પુરાવા મળ્યા.
Click it and Unblock the Notifications
Sign in with Google
