મળો દુનિયાના સૌથી નાના સીરિયલ કિલરને, 8 વર્ષે 3 હત્યાઓ કરી
તમે ઘણી ફિલ્મો અને વેબ સિરિઝમાં જોયુ હશે કે એક વ્યક્તિ એક પછી એક ઘણા લોકોની હત્યાઓ કરે છે. આ વ્યક્તિ માનસિક રીતે પીડિત હોય અને તેના કારણે સીરિયલ કિલર બની જાય છે. આજે આપણે આવા જ એક સીરિયલ કિલરની વાત કરવાના છીએ. આ કિલર દુનિયાનો સૌથી નાનો સીરિયલ કિલર છે.
સૌથી ચૌકાવનારી બાબત એ છે કે આ સીરિયલ કિલર બીજા કોઈ દેશનો નહીં ભારતના બિહારનો છે. દુનિયાના સૌથીની નાનો સીરિયલ કિલર અમરજીત સદાએ માત્ર 8 વર્ષની ઉમરમાં ત્રણ હત્યાઓને અંજામ આપ્યો હતો.
બિહારના બેગુસરાયના મુશારી ગામમાં જન્મેલા અમરજીત સદા આખી દુનિયામાં સૌથી નાની ઉંમરના સીરિયલ કિલર તરીકે ઓળખાય છે. અમરજીત સદાનો જન્મ 1998માં થયો હતો અને 2007માં પોલીસે તેની ત્રણ હત્યાના ગુનામાં ધરપકડ કરી હતી.
2007માં પોલીસ એક બાળકીની હત્યાનો કેસ ઉકેલી રહી હતી,. આ બાળકીના માતા-પિતાને તેના પડોશમાં રહેતા અમરજીત સદા નામના 9 વર્ષના છોકરા પર શંકા હતી. શરૂઆતમાં પોલીસ માટે પણ આ વાત માનવી શક્ય નહોતી પરંતુ ખુલાસો થતા પોલીસ પણ ચૌકી ગઈ.
જ્યારે પોલીસને પુરાવા મળ્યા અને પોલીસે કસ્ટડીમાં પૂછપરછ શરૂ કરી તો એમાં આ ચૌકાવનારી બાબતો સામે આવી. તપાસમાં આ અમરજીતે બાળકીની હત્યાની કબૂલાત કરી અને વધુ બે હત્યાઓ વિશે પણ જણાવ્યું. થોડા સમય પહેલા પણ તેણે તેની નાની બહેનની પણ હત્યા કરી નાખી હતી, જે બાબત તેના માતા-પિતાએ બધાથી છુપાવી હતી. તેણે પહેલી હત્યા કરી ત્યારે તેની ઉંમર 8 વર્ષ હતી.
તમને સવાલ થતો હશે કે આખરે આટલો નાનો બાળક કોઈની હત્યા કેમ કરે? તપાસ દરમિયાન મનોચિકિત્સકોની ટીમે અમરજીત સદા સાથે વાત કરી તો જાણવા મળ્યું કે તે કન્ડક્ટ ડિસઓર્ડર નામની માનસિક બીમારી છે. આ બીમારીને કારણે તેને બીજાને દુઃખ આપવામાં મજા આવે છે. આ કારણોસર તે નાના બાળકોને પથ્થરથી કચડીને મારી નાખતો હતો.
Click it and Unblock the Notifications
Sign in with Google
