Trending News : દારૂ પીશો તો થશે ફાંસીની સજા, આ દેશમાં છે કડક કાયદો

Published: Thursday, July 13, 2023, 14:29 [IST]

Trending News : દુનિયામાં એવા ઘણા દેશમાં દારૂ પીવા પર પ્રતિબંધ છે. જ્યાં દારૂ પીવા બદલ સરકાર દ્વારા કડક કાર્યવાહી કરવામાં આવે છે. જોકે, ભારતના ઘણા રાજ્યોમાં દારૂબંધી છે. આ રાજ્યોમાં દારૂ પીતા કે વેચતા પકડાય તો સજા આપવામાં આવે છે.

કેટલાક સ્થળોએ જ્યારે દારૂ લોકોની પહોંચથી દૂર કરવામાં આવે છે, ત્યારે દારૂની હેરાફેરી શરૂ થાય છે. આવી સ્થિતિમાં ઘણી વખત લોકોને ઝેરી કે લઠ્ઠો પીવડાવવામાં આવે છે. જે પીધા બાદ તેઓ મૃત્યુ પામે છે.

એટલા માટે ઘણા દેશો બુટલેગરો સામે પણ કડક કાર્યવાહી કરે છે, પરંતુ શું તમે ક્યારેય સાંભળ્યું છે કે, દારૂ પીવાની સજા ફાંસી પણ હોય શકે છે. ભાગ્યે જ સાંભળ્યું હશે, પરંતુ આવા એક દેશમાં ખૂબ જ કડક નિયમ છે, જ્યાં દારૂ પીનારાઓને મૃત્યુદંડની સજા આપવામાં આવે છે.

આ દેશનું નામ ઈરાન છે. આ દેશમાં ઘણા સમય પહેલા દારૂ પર પ્રતિબંધ હતો. આમ છતાં યુવકો દારૂ પીવાથી બચતા ન હતા. સરકારના નિયમોની ઐસી તૈસી કરીને આ યુવાનો દારૂની હેરાફેરી કરતા હતા અને પીતા હતા. જેના કારણે દેશમાં દારૂ બનાવવા અને લઠ્ઠો વેચવાના કિસ્સાઓમાં મોટા પ્રમાણમાં વધારો નોંધાયો છે.

લઠ્ઠો પીવાથી ઘણા લોકોના મોત પણ થયા છે. તેથી જ સરકારે આ મામલે કડક સજાની જોગવાઈ કરી છે. હવે આ દેશમાં જો કોઈ દારૂ પીતો જોવા મળે, તો તેને જેલ અથવા 80 કોરડા મારવાની સજા થાય છે.

આ પછી પણ જો કોઈ વ્યક્તિ સંમત ન થાય અને તે વારંવાર દારૂ પીતા પકડાય તો તેને 4 વખત સજા કર્યા બાદ મૃત્યુદંડ આપવામાં આવે છે.

ઇરાન સરકાર આવું એટલા માટે કરી રહી છે. કારણ કે, આ દેશમાં લઠ્ઠોના કારણે મોતનો આંકડો સતત વધી રહ્યો છે. આવી સ્થિતિમાં ઇરાન સરકારે આ સાહસિક પગલું ભર્યું છે.

ઘણા લોકો સજાના ડરથી ડૉક્ટર પાસે ગયા ન હતા અને મોતનો શિકાર બન્યા હતા. આવી સ્થિતિમાં ઇરાન સરકારે દેશના હિતને ધ્યાનમાં રાખીને આ નિયમ લાગુ કર્યો છે. તાજેતરમાં ઈરાનમાં લઠ્ઠોના ઘણા કિસ્સા સામે આવ્યા હતા, જેમાં ઘણા લોકોના મોત થયા હતા.

Published On July 13, 2023