દુનિયાની આ એકમાત્ર નદીમાં પાણી નહીં પણ પથ્થરો વહે છે, જાણો ક્યાં આવેલી છે આ રહસ્યમયી સ્ટોન રિવર

દુનિયામાં તમે પાણીનું વૈવિધ્ય ધરાવતી ઘણી નદીઓ વિશે સાંભળ્યુ હશે. જો કે તમને કોઈ એમ કહે કે એક નદીમાં પાણી નહીં પરંતુ પથ્થરો વહે છે તો તમે સાચુ માનશો? જો કે આ હકિકત છે અને આવી એક નદી દુનિયામાં આવેલી છે.

તમે જોયું જ હશે કે નદીઓમાં પાણીની સાથે અલગ-અલગ કદના પથ્થરો પણ જોવા મળે છે. પરંતુ રશિયામાં એક એવી નદી છે જ્યાં નદીમાં પાણીને બદલે પથ્થરો વહે છે. અહીં નદીમાં પુરી પથ્થરો ભરેલા છે.

આ વિચિત્ર નદીને રશિયામાં સ્ટોન રિવરના નામે ઓળખવામાં આવે છે. અહીં નદીમાં પત્થરોનો પ્રવાહ વહેતો હોવાથી તેને સત્તાવાર રીતે આ નામ આપવામાં આવ્યું છે. આ નદીની આજુબાજુ દેવદારના વૃક્ષોના ગાઢ જંગલો આવેલા છે અને તેની નજીક એક જંગલ વિસ્તાર છે. આ જંગલમાં જીવ વૈવિધ્ય જોવા મળે છે.

આ સ્ટોન રિવર લગભગ છ કિલોમીટર છે અને કેટલીક જગ્યાએ તેની પહોળાઈ 20 મીટર સુધી છે તો કેટલીક જગ્યાએ તેની પહોળાઈ 200 મીટરથી વધુ છે. ચૌકાવનારી બાબત એ છે કે આ નદીમાં હાજર પત્થરોનું વજન 10 ટન સુધી છે અને કદ બદલાતુ રહે છે. આ નદી જોવા દેશ વિદેશમાંથી પ્રવાસીઓ આવે છે.

વૈજ્ઞાનિકોએ આ નદી વિશે અભ્યાસ કર્યો છે પરંતુ હજી સુધી કોઈ સત્તાવાર માહિતી મળી શકી નથી. કેટલાક સંશોધકોનું માનવું છે કે લગભગ 10,000 વર્ષ પહેલાં પર્વતોની ઊંચાઈથી તૂટેલા ગ્લેશિયરના પથ્થરો અહીં પાણીની સાથે જમા થયા હશે.

English summary

This is the only river in the world that does not have water but stones