જ્યારે એક મહિલાના લોકરમાં પડેલા 18 લાખ રૂપિયા ઉધઈ ખાઈ ગઈ, જાણો શું છે પુરી ઘટના?

By Desk

Published: Friday, September 29, 2023, 22:52 [IST]

તમે વિચારો કે તમારી જિંદગીભરની કમાણી એક ઝાટકમાં ખતમ થઈ જાય તો? તમને જાણીને નવાઈ લાગશે કે આજે આપણે જેની વાત કરી રહ્યા છીએ તેની સાથે પણ આવુ જ થયુ.

સામાન્ય રીતે પોતાની કિંમતી વસ્તુઓને ચોર-લુટારાથી બચાવવા માટે લોકો બેંક લોકરનો સહારો લેતા હોય છે. આ મહિલાએ પણ આવુ જ કર્યુ. જો કે તેને ક્યારેય વિચાર્યુ નહીં હોય કે તેની જિંદગીભરની કમાણી એક ઝટકામાં ખતમ થઈ જશે.

યુપીના મુરાદાબાદની આ ઘટનાની આ દિવસોમાં ખુબ જ ચર્ચા છે. એક મહિલાએ અહીં બેંક લોકરમાં પોતાની જિંદગીભરની કમાણીના 18 લાખ રૂપિયા રાખ્યા હતા. જો કે તે તેની દિકરીના લગ્નમાં તે ખર્ચ કરે તે પહેલા જ ઉધઈ ખાઈ ગઈ.

મહિલાએ તેની પુત્રીના લગ્ન માટે પૈસા ભેગા કર્યા હતા અને લોકરમાં પૈસા અને કેટલાક ઘરેણાં રાખ્યા હતા. એક વર્ષ પછી જ્યારે તેણીએ લોકર ખોલ્યું તો તેને જોઈને તે ચોંકી ગઈ. તેના તમામ રૂપિયા ઉધઈ ચટ કરી ગઈ હતી.

મુરાદાબાદની રહેવાસી અલકા પાઠકે ગયા વર્ષે ઓક્ટોબરમાં બેંક ઓફ બરોડાની આશિયાના શાખાના લોકરમાં 18 લાખ રૂપિયા રાખ્યા હતા. હાલમાં જ બેંક કર્મચારીઓએ તેનો સંપર્ક કર્યો અને તેને લોકર કોન્ટ્રાક્ટ રિન્યૂ કરવા કહ્યું. આ માટે વિગતો સાથે બેંકને ફોન કર્યો.

જ્યારે અલકા લોકર ચેક કરવા ગઈ તો તે જોઈને ચોંકી ગઈ. દીકરીના લગ્ન માટે તેણે ખૂબ મહેનત કરીને જે રોકડ બચાવી હતી તે બધી ધૂળ થઈ ગઈ હતી. ઉધઈએ તેના તમામ રૂપિયા ચટ કરી નાંખ્યા હતા.

આ પછી તેણીએ બેંક અધિકારીઓને જાણ કરી. આ જોઈને બેંક અધિકારીઓ પણ આશ્ચર્યચકિત થઈ ગયા. કર્મચારીઓએ જણાવ્યું કે, તેઓએ અહેવાલ મુખ્યાલયને મોકલી દીધો છે. અલકાનો આરોપ છે કે બેંક અધિકારીઓ તેની સાથે કોઈ માહિતી શેર કરી રહ્યા નથી. રિઝર્વ બેંકના કાયદા અનુસાર તમે લોકરમાં રોકડ રાખી શકતા નથી. તેમાં માત્ર ઘરેણા અને મૂલ્યવાન દસ્તાવેજો જ રાખવાની મંજૂરી છે.

હવે સવાલ એ છે કે અલકાને તેની રોકડ રકમ મળશે કે નહીં? તો જણાવી દઈએ કે, જો ચોરી, ઘરફોડ કે લૂંટના કારણે લોકરમાં કોઈ નુકશાન થાય તો તેની જવાબદારી બેંકની રહે છે. આવું થાય તો બેંક તમને વર્તમાન સેફ ડિપોઝિટ લોકરના વાર્ષિક ભાડાના 100 ગણા ચૂકવવા માટે જવાબદાર રહેશે. આ વળતર આગ, મકાન ધરાશાયી અથવા છેતરપિંડીના કિસ્સામાં પણ લાગુ પડે છે. આરબીઆઈએ આ વર્ષની શરૂઆતમાં આ નિયમો લાગુ કર્યા હતા.

Published On September 29, 2023