7th Pay Commission : કેન્દ્રીય કર્મચારીઓને મળશે મોંઘવારી ભથ્થું, પગારમાં થશે 8 હજારનો વધારો

7th Pay Commission : કેન્દ્રીય કર્મચારીઓને આવનારા સમયમાં સરકાર તરફથી મોટી ભેટ મળે તેવી શક્યતા છે. આ સાથે તેમના પગારમાં 8 હજાર રૂપિયાનો વધારો થઇ શકે તેવી શક્યતા છે. મીડિયા રિપોર્ટ્સ અનુસાર, કેન્દ્રીય કર્મચારીઓના મોંઘવારી ભથ્થામાં બીજા છ માસિક ભથ્થામાં વધારો થયા બાદ 46 ટકા સુધી પહોંચી શકે છે.

ઉલ્લેખનીય છે કે, કેન્દ્ર સરકારે જાન્યુઆરીથી જૂન 2023ના પહેલા છ મહિનામાં મોંઘવારી ભથ્થું (DA) અને મોંઘવારી રાહત (DR) માં 4 ટકાનો વધારો કર્યો હતો. આ વધારા બાદ DA 38 ટકાથી વધીને 42 ટકા થઈ ગયો હતો.

અત્રે નોંધનીય છે કે, સરકાર દર છ મહિને કર્મચારીઓના મોંઘવારી ભથ્થામાં વધારો કરે છે. આ કારણોસર, એવી અપેક્ષા રાખવામાં આવી રહી છે કે, આગમી સમયે ચાર ટકાનો વધારો થશે, ત્યારે ડીએ 46 ટકા સુધી પહોંચી જશે.

અહેવાલો અનુસાર, મોંઘવારી ભથ્થામાં વધારાની જાહેરાત બીજા છ મહિનામાં એટલે કે જુલાઈથી ડિસેમ્બર 2023 માટે કરવામાં આવી શકે છે. આ સાથે એવું પણ કહેવામાં આવી રહ્યું છે કે, આ વખતે સરકાર ટૂંક સમયમાં જ DAમાં વધારાની જાહેરાત કરી શકે છે.

સાતમા પગાર પંચની ભલામણો અનુસાર મોંઘવારી ભથ્થામાં વર્ષમાં બે વાર વધારો કરવામાં આવે છે. આ અંતર્ગત પ્રથમ છમાસિક માટે DAમાં ચાર ટકાનો વધારો કરવામાં આવ્યો છે.

કેલ્ક્યુલેટર મુજબ, જો કેન્દ્રીય કર્મચારીઓના DAમાં ચાર ટકાનો વધારો થાય, તો મોંઘવારી ભથ્થું વધીને 46 ટકા થઈ જાય છે. તેનાથી કેન્દ્રીય કર્મચારીઓના પગારમાં પણ વધારો થશે.

જો કેન્દ્રીય કર્મચારીનો બેઇઝિક પગાર 18,000 રૂપિયા છે. તો 42 ટકા જોઈએ તો DA 7560 રૂપિયા થાય છે, પરંતુ જો બીજા અર્ધવાર્ષિક ગાળામાં DA વધીને 46 ટકા થાય છે, તો તે 8,280 રૂપિયા થઈ જશે. મતલબ કે પગારમાં દર મહિને 720 રૂપિયાનો વધારો થશે.

English summary

7th Pay Commission : Central employees will get dearness allowance, salary will be increased by 8 thousand