8th Pay Commission : 8માં પગાર પંચમાં કેન્દ્રિય કર્મચારીઓનો પગાર કેટલો વધશે? સમજી લો પુરૂ ગણિત
8th Pay Commission : કેન્દ્ર સરકારના કર્મચારીઓ અને પેન્શનરો માટે એક સારા સમાચાર છે. સરકાર ટૂંક સમયમાં જ 8મો પગાર પંચ લાગુ કરી શકે છે.
8મું પગાર પંચ લાગુ થતા કર્મચારીઓના પગારમાં મોટો વધારો થવાની સંભાવના છે. ચાલો સમજીએ કે આ પગાર વધારો કેવી રીતે થશે અને કેટલો થશે.
8th Pay Commission : 8મું પગાર પંચ
દરેક 10 વર્ષે સરકાર પોતાના કર્મચારીઓના પગાર અને ભથ્થામાં ફેરફાર કરવા માટે એક પંચની રચના કરે છે. આ પંચને પગાર પંચ કહેવામાં આવે છે. 8મું પગાર પંચ એ આ શ્રેણીનું આગામી પંચ છે.
હાલમાં 7મા પગાર પંચના આધારે કર્મચારીઓનો પગાર નક્કી કરવામાં આવે છે. 8મા પગાર પંચમાં ફિટમેન્ટ ફેક્ટરને 2.57 થી વધારીને 2.86 કરવામાં આવી શકે છે. જેનાથી કર્મચારીઓના બેઝિક પગારમાં વધારો થશે.
જો ફિટમેન્ટ ફેક્ટર 2.86 થાય છે તો કર્મચારીઓનો લઘુત્તમ બેઝિક પગાર 18,000 રૂપિયાથી વધીને 51,480 રૂપિયા થઈ શકે છે. આ ઉપરાંત મોંઘવારી ભથ્થા અને અન્ય ભથ્થાઓમાં પણ વધારો થશે. જેનાથી કર્મચારીઓના કુલ પગારમાં નોંધપાત્ર વધારો થશે.
કેવી રીતે થાય છે ગણતરી?
પગાર વધારાની ગણતરી કરવા માટે ફિટમેન્ટ ફેક્ટરનો ઉપયોગ કરવામાં આવે છે. ફિટમેન્ટ ફેક્ટર એ ગુણાંક છે જેના દ્વારા મૂળભૂત પગારને ગુણાકાર કરીને નવો પગાર નક્કી કરવામાં આવે છે.
જો કોઈ કર્મચારીનો બેઝિત પગાર 18,000 રૂપિયા છે અને ફિટમેન્ટ ફેક્ટર 2.86 છે તો તેનો નવો મૂળ પગાર 18,000 x 2.86 = 51,480 રૂપિયા થશે.
ક્યારે લાગુ થશે 8મું પગાર પંચ?
હાલમાં સરકાર દ્વારા 8મા પગાર પંચને લાગુ કરવાની કોઈ સત્તાવાર તારીખ જાહેર કરવામાં આવી નથી. પરંતુ માનવામાં આવે છે કે ટૂંક સમયમાં જ સરકાર આ અંગે જાહેરાત કરી શકે છે.
કોને મળશે લાભ?
8મા પગાર પંચનો લાભ કેન્દ્ર સરકારના કર્મચારીઓ અને પેન્શનરોને મળશે. જેનાથી લાખો કર્મચારીઓ અને પેન્શનરોને ફાયદો થશે.
Click it and Unblock the Notifications
Sign in with Google
