ઠાઠ હોય તો આવો, 50 લાખની ઓડીમાં દૂધ વેચી રહ્યો છે ફરિદાબાદનો યુવાન
ફરીદાબાદના મોહતાબાદ ગામના 33 વર્ષના અમિત ભડાનાએ એક અનોખો રસ્તો પસંદ કર્યો છે. તેઓ રોજના 120 લીટર દૂધનું વિતરણ કરવા માટે 50 લાખની ઓડી A3 કેબ્રિયોલેટ કારનો ઉપયોગ કરે છે.
આ માટે તેઓ 60 કિલોમીટરની મુસાફરી કરે છે. જો કે, તેમની આવક વિશે પૂછવામાં આવે તો તેઓ વધુ વિગતો આપવાનું ટાળે છે.
અમિતનું કહેવું છે કે મોંઘી ગાડીઓ ચલાવવી એ તેમનો જુનૂન છે અને આ જુનૂનને પૂરૂ કરવા તેણે બેંકની નોકરી છોડી દીધી.
હાલમાં જ અમિતે નવી ઓડી કાર ખરીદી છે, જેનો ઉપયોગ તે દૂધના વ્યવસાય માટે કરે છે. આ પહેલાં તેઓ 8 લાખની હાર્લે ડેવિડસન બાઇક વડે દૂધનું વિતરણ કરતા હતા. ઉનાળાની ગરમીમાં બાઇકથી દૂધ પહોંચાડવું મુશ્કેલ બન્યું, જેથી તેમણે લક્ઝરી કાર ખરીદવાનું નક્કી કર્યું.
અમિતે કોરોના સમય સુધી HDFC બેંકમાં મેનેજર તરીકે કામ કર્યું હતું. તેણે બી.કોમ સુધી અભ્યાસ કર્યો છે અને 7 વર્ષ સુધી બેંકમાં સેવા આપી છે.
કોરોના દરમિયાન તેમણે પોતાના ભાઈના દૂધના ધંધામાં સહયોગ આપવાનું શરૂ કર્યું. આ કામમાં તેને રસ પડ્યો અને 2021માં તેમણે નોકરી છોડીને આ વ્યવસાયને પૂર્ણ સમય આપ્યો.
અમિતના પિતા ભારતીય સેનામાંથી નિવૃત્ત છે અને ગામમાં ખેતીનું કામ સંભાળે છે. તેમની માતા ઘરનું સંચાલન કરે છે. અમિતના બે ભાઈઓમાંથી એક દૂધનો વ્યવસાય કરે છે, જ્યારે બીજો ઇવેન્ટ મેનેજમેન્ટનું કામ કરે છે.
અમિત પાસે 32 ગાયો અને 6 ભેંસો છે, જે તેમના દૂધના વેપારનો મુખ્ય આધાર છે. અમિત કહે છે કે તેઓ હંમેશાથી વાહનોના શોખીન રહ્યા છે. આ ઓડી કાર તેമણે પોતાની મહેનતની કમાણીથી ખરીદી છે. તેમનું માનવું છે કે સખત પરિશ્રમથી તેમની આર્થિક સ્થિતિ સુધરી છે અને તેઓ પોતાના શોખ પણ જીવી શક્યા છે.
Click it and Unblock the Notifications
Sign in with Google
