અઝીમ પ્રેમજીને એશિયન બિઝનેસ લીડર્સ એવોર્ડ મળ્યો

લંડન, 25 જુલાઇ : વિપ્રોના ચેરમેન અઝીમ પ્રેમજીને "એશિયન બિઝનેસ લીડર્સ એવોર્ડ 2013"થી સન્માનિત કરવામાં આવ્યા છે. લંડન સ્થિત એશિયા હાઉસે વેપાર ક્ષેત્રમાં પ્રેમજીની પ્રભાવશાળી વિશ્વાસપાત્રતા તથા સમાજને આપવામાં આવેલી સેવા માટે આ સન્માન આપ્યું છે.

એશિયા હાઉસે આજે એક નિવેદનમાં જણાવ્યું કે આ વર્ષના પુરસ્કાર માટે અઝીમ પ્રેમજીના નામ પર પસંદગી કરવામાં આવી છે. પ્રેમજીએ પ્રભાવશાળી રીતે કેળવેલી વિશ્વાસપાત્રતા તથા સમાજને આપવામાં આવેલી સેવા માટે તેમને આ પુરસ્કાર માટે પસંદ કરવામાં આવ્યા છે. પ્રેમજીને આ પુરસ્કાર 14 ઓક્ટોબરના રોજ લંડનમાં આપવામાં આવશે.

આ પહેલા આ પુરસ્કાર ટાટા સમૂહના પૂર્વ ચેરમેન રતન ટાટા તથા બ્રિટેનના વ્યાપાર અને રોકાણ મંત્રી તથા એચએસબીસી હોલ્ડિંગ્સ સમૂહના પૂર્વ ચેરમેન લૉર્ડ સ્ટીફન ગ્રીનને આપવામાં આવી ચૂક્યો છે.

English summary

Azim Premji received Asian Business Leaders Awards