Bank Holidays : એપ્રિલના અંતિમ વીકમાં 4 દિવસ બેંકો બંધ રહેશે, આજે જ જાણી લો તારીખ

Bank Holidays : જો તમે આગામી દિવસોમાં બેંકમાં જઈને કોઈ મહત્વનું કામ પતાવવાનું વિચારી રહ્યા છો તો આજે જ પ્લાન કરી લેવાની જરૂર છે.

જણાવી દઈએ કે, 26 થી 30 એપ્રિલ દરમિયાન દેશના અલગ-અલગ ભાગોમાં બેંકો કુલ 4 દિવસ બંધ રહેશે. આ રજાઓનું કારણ RBIના નિયમો, સાપ્તાહિક રજાઓ અને પ્રાદેશિક તહેવારો છે.

આ તારીખોએ બેંક બંધ રહેશે

• 26 એપ્રિલ (શનિવાર) : ચોથો શનિવાર હોવાથી આ દિવસે દેશભરની બેંકોમાં રજા રહેશે. RBIના નિયમો અનુસાર દર મહિનાના ચોથા શનિવારે બેંકો બંધ રહે છે.
• 27 એપ્રિલ (રવિવાર) : સાપ્તાહિક રજાના કારણે દેશભરમાં બેંકો બંધ રહેશે.
• 29 એપ્રિલ (મંગળવાર) : પરશુરામ જયંતિએ આ રજા માત્ર શિમલામાં લાગુ થશે.
• 30 એપ્રિલ (બુધવાર) : અક્ષય તૃતીયાના કારણે બેંગલુરુમાં બેંકો બંધ રહેશે.

આ રજાઓ દેશભરમાં એકસરખી લાગુ નથી. રાજ્ય સરકારોના તહેવારો અને સ્થાનિક નિયમોના આધારે રજાઓ નક્કી થાય છે. તેથી બેંકની મુલાકાત લેતા પહેલાં તમારી નજીકની શાખામાં રજાની પુષ્ટિ કરી લેવી જરૂરી છે.

ભલે બેંકની શાખાઓ બંધ રહે પરંતુ ડિજિટલ બેંકિંગ સેવાઓ સતત ચાલુ રહેશે. ગ્રાહકો અન્ય માધ્યમો દ્વારા પોતાના નાણાકીય વ્યવહારો સરળતાથી કરી શકશે.

• ઈન્ટરનેટ બેંકિંગ અને મોબાઈલ એપ્સ: ફંડ ટ્રાન્સફર, બિલ ચૂકવણી, ખાતાનું સંચાલન જેવી સેવાઓ ઉપલબ્ધ રહેશે.
• UPI સેવાઓ: ગૂગલ પે, ફોનપે, પેટીએમ જેવી એપ્સ દ્વારા ઝડપી અને સુરક્ષિત નાણાં ટ્રાન્સફર શક્ય છે.
• ATM સેવાઓ: રોકડ ઉપાડ, બેલેન્સ ચેક અને કાર્ડલેસ વ્યવહારો પણ ચાલુ રહેશે.

આ રજાઓ દરમિયાન બેંક શાખાઓની મુલાકાત ટાળીને ડિજિટલ બેંકિંગનો ઉપયોગ કરો. આનાથી સમયની બચત થશે અને કોઈપણ અગવડ ટળશે. વધુ માહિતી માટે તમારી બેંકની વેબસાઈટ અથવા નજીકની શાખાનો સંપર્ક કરો.

English summary

Bank Holidays in India: 4 Days of Bank Closures in Late April 2025