Bank Holidays: નવેમ્બર મહિનામાં બેંકો 10 દિવસ રહેશે બંધ, જાણી લો રજાની યાદી

બેંકોમાં નવેમ્બરમાં મહિનામાં પણ લાંબી રજાઓ આવવાની છે. અહીં જાણી લો યાદી.

નવી દિલ્લીઃ બેંકોમાં નવેમ્બરમાં મહિનામાં પણ લાંબી રજાઓ આવવાની છે. નવેમ્બર મહિનાના 30 દિવસમાંથી 10 દિવસ બેંકો બંધ રહેશે. બેંક સાથે જોડાયેલુ કોઈ કામ કરવાની તૈયારી કરી રહ્યા હોય તો રજાઓની યાદી જરુરથી ચેક કરી લો. જો કે, આ રજાઓ રાજ્ય અને શહેરોમાં અલગ-અલગ હોઈ શકે છે. નવેમ્બરના પહેલા જ દિવસે બેંકમાં રજા આવવાની છે. આવો, ચેક કરીએ નવેમ્બર, 2022માં બેંકોની રજાઓની યાદી.

1 નવેમ્બર, 2022 - કન્નડ રાજ્યોત્સવ/કૂટના અવસર પર બેંગ્લોર અને ઈમ્ફાલમાં બેંક બંધ રહેશે.
6 નવેમ્બર, 2022 - રવિવારના કારણે દેશભરની બેંકો બંધ રહેશે.
8 નવેમ્બર, 2022 - ગુરુ નાનક જયંતિ, કારતક પૂનમ, રાહલ પૂનમ, વાંગલા તહેવાર નિમિત્તે અગરતલા, બેંગ્લોર, ગંગટોક, ગુવાહાટી, ઇમ્ફાલ, કોચી, પણજી, પટના, શિલોંગ અને તિરુવનંતપુરમ ઉપરાંત દેશભરના અન્ય શહેરોની બેંકોમાં પણ રજા રહેશે.
11 નવેમ્બર, 2022 - કનકદાસ જયંતિ, બાંગ્લા તહેવાર નિમિત્તે બેંગલુરુ અને શિલોંગમાં બેંકો બંધ રહેશે.
12 નવેમ્બર, 2022 - મહિનાના બીજા શનિવારે દેશભરની બેંકો બંધ રહેશે.
13 નવેમ્બર 2022 - રવિવારના કારણે દેશભરની બેંકો બંધ રહેશે.
20 નવેમ્બર, 2022 -રવિવારના કારણે દેશભરની બેંકો બંધ રહેશે.
23 નવેમ્બર, 2022 - સેંગ કુત્સનેમના કારણે શિલૉંગમાં બેંક બંધ રહેશે.
26 નવેમ્બર, 2022 - મહિનાના ચોથા શનિવારે દેશભરની બેંકો બંધ રહેશે.
27 નવેમ્બર, 2022 - રવિવારના કારણે દેશભરની બેંકો બંધ રહેશે.

ભારતીય રિઝર્વ બેંક (RBI) દ્વારા દર નાણાકીય વર્ષની શરૂઆતમાં બેંક રજાઓની યાદી જાહેર કરવામાં આવે છે. રિઝર્વ બેંક ઑફ ઈન્ડિયા(RBI)એ બેંકની રજાઓને ત્રણ કેટેગરીમાં વહેંચી છે. બેંકની રજાઓને નેગોશિયેબલ ઇન્સ્ટ્રુમેન્ટ્સ એક્ટ, બીજી રીઅલ ટાઇમ ગ્રોસ સેટલમેન્ટ હોલીડે અને ત્રીજી બેંક ક્લોઝિંગ ઑફ એકાઉન્ટ્સ કેટેગરીમાં ભારતીય રિઝર્વ બેંક દ્વારા વિભાજિત કરવામાં આવે છે. કેટલીક રજાઓ રાષ્ટ્રીય સ્તરની હોય છે, એટલે કે આ દિવસોમાં દેશભરની બેંકોમાં રજાઓ હોય છે. જ્યારે કેટલીક રજાઓ રાજ્ય-વિશિષ્ટ હોય છે.

English summary

Bank Holidays: Bank will closed for 10 days in November, 2022. Know the RBI Bank Holiday List here.