પેટ્રોલ-LPG બાદ હવે CNG-PNGના ભાવમાં પણ વધારો, આજથી નવી કિંમતો લાગુ

પહેલેથી જ મોંઘા પેટ્રોલ-ડીઝલની કિંમતોની બોજ સહન કરી રહેલ લોકો પર 1 માર્ચે મોંઘવારીનો ડબલ એટેક થયો છે.

નવી દિલ્લીઃ દિલ્લી-એનસીઆરવાળાને વધુ એક ઝટકો લાગ્યો છે. પહેલેથી જ મોંઘા પેટ્રોલ-ડીઝલની કિંમતોની બોજ સહન કરી રહેલ લોકો પર 1 માર્ચે મોંઘવારીનો ડબલ એટેક થયો છે. સોમવારે જ્યાં સવારે એલપીજી સિલિન્ડરના ભાવમાં વધારો કરવામાં આવ્યો ત્યાં સાંજે દિલ્લી-એનસીઆરમાં સીએનજી અને પીએનજીના ભાવોમાં વધારો કરી દેવામાં આવ્યો છે. આઈજીએલ તરફથી અધિકૃત ઘોષણા કરીને સીએનજી-પીએનજીના ભાવોમાં વધારાનુ એલાન કરવામાં આવ્યુ છે.

દિલ્લી-એનસીઆરના લોકોને 1 માર્ચ 2021ના રોજ રસોઈ ગેસ, પેટ્રોલ-ડીઝલના ભાવોમાં વધારા બાદ મોડી સાંજે સીએનજી અને પીએનજીના ભાવોમાં વધારાએ મોટો ઝટકો આપ્યો છે. ઈન્દ્રપ્રસ્થ ગેસ લિમિટેડે સોમવારે રાજધાની દિલ્લી-એનસીઆરમાં સીએનજી અને પીએનજીના ભાવોમાં વધારાની અધિકૃત ઘોષણી કરી દીધી. નવા દરો મંગળવાર 2 માર્ચ, 2021ની સવારે 6 વાગ્યાથી લાગુ થશે. આઈજીએલે સીએનજીના ભાવમાં જ્યાં 70 પૈસાનો વધારો કર્યો ત્યાં પીએનજીના ભાવ 91 પૈસા વધી ગયા.

આ તેજી બાદ મંગળવારે સવારે 6 વાગ્યાથી દિલ્લીમાં સીએનજીના ભાવ 43.40 રૂપિયા પ્રતિ કિલો પર પહોંચી ગયા. વળી, એનસીઆરમાં આ 49.08 પ્રતિ કિલોગ્રામ થઈ જશે. સીએનજી ઉપરાંત મંગળવારે સવારે 6 વાગ્યાથી પીએનજીના નવા દરો વધારા સાથે 28.42 પ્રતિ સ્ટાન્ડર્ડ ક્યુબિક મીટર થઈ જશે. તમને જણાવી દઈએ કે 1 માર્ચે સવારે રસોઈ ગેસની કિંમતમાં 25 રૂપિયાનો વધારો કરવામાં આવ્યો હતો. ફેબ્રુઆરીથી લઈને અત્યાર સુધી આ ચોથો વધારો હતો. માત્ર ફેબ્રુઆરીમાં જ એલપીજીના ભાવ ત્રણ વાર વધારવામાં આવ્યા.

English summary

CNG and PNG price increased after Petrol-LPG in Delhi-NCR.