ધનતેરસ : BSE અને NSEમાં ગોલ્ડ ટ્રેડિંગ સેશન લંબાવાયું

મુંબઇ, 20 ઓક્ટોબર : બીએસઇ અને એનએસઇ 21 ઓક્ટોબર, 2014 મંગળવારે ધનતેરસના દિવસે ગોલ્ડ એક્સ્ચેન્જ ટ્રેડેડ ફંડ (ઇટીએફ - ETF)નું ટ્રેડિંગ સત્ર સાંજના સાત વાગ્યા સુધી લંબાવવાનો નિર્ણય લીધો છે.

ધનતેરસનો દિવસ સોનું ખરીદવા માટે શુભ ગણાય છે. આ કારણે આ દિવસે બંને એક્સ્ચેન્જ દ્વારા ગોલ્ડ ઇટીએફના ટ્રાન્ઝેક્શન ચાર્જિસ નહીં લેવાનો પણ નિર્ણય કર્યો છે.

બંને એક્સ્ચેન્જના સર્ક્યુલર પ્રમાણે 21 ઓક્ટોબરે સવારે 9થી બપોરે 3:40 સુધી બજારના રાબેતા મુજબના કલાકો મુજબ ટ્રોડિંગ કરશે. ત્યાર બાદસાંજે 4:30 કલાકે ગોલ્ડ ઇટીએફનું ટ્રેડિંગ શરૂ થશે અને સાંજે 7 વાગ્યા સુધી ચાલુ રહેશે.

ગોલ્ડ ઇટીએફના ભાવ સોનાની વધઘટ પર આધારિત હોય છે અને સામાન્ય રીતે ગોલ્ડ ઇટીએફનો એક યુનિટ એક ગ્રામ સોના જેટલો હોય છે.

English summary

Dhanteras: BSE and NSE to extend Gold ETF trading session.